کابل (بی این اے) دریائے آمو آئل فیلڈ میں 6 نئے کنوؤں کی کھدائی اور ان کے فعال ہونے کے بعد کنوؤں کی تعداد 24 تک پہنچ گئی جس کے ساتھ یومیہ تیل نکالنے کی شرح 1350 ٹن تک پہنچ گئی۔
وزارت معدنیات و پیٹرولیم کے ترجمان ہمایون افغان نے اپنے ایکس اکاؤنٹ پر لکھا کہ آمو دریا آئل فیلڈ شمالی صوبوں سرپل، جوزجان اور فاریاب میں واقع ہے۔ جہاں اس وقت قشقری بلاک میں 15 کنویں، انگوٹ بلاک میں 6 اور آق دریا میں 3 کنویں فعال ہیں، اور ان سے یومیہ تیل نکالنے کا حجم 1350 ٹن تک پہنچ گیا ہے۔ جو اس سے قبل 1100 ٹن تھا ۔
استخراج شدہ خام تیل کی ریفائننگ کا کام ملک کے اندر پرائیویٹ سیکٹر کرتا ہے۔
2024ء کے آخر تک قشقری بلاک میں 12 کنویں، زمرد سائی میں 8، بازار کامی میں 1 کنواں اور آق دریا میں 2 کنویں کھودے جائیں گے جس کے بعد فعال کنوؤں کی تعداد بڑھ کر 47 ہو جائے گی اور یومیہ تیل کا اخراج 3 ہزار ٹن تک پہنچ جائے گا ۔
یاد رہے آمو دریا آئل فیلڈ سے اس وقت بالواسطہ اور بلاواسطہ طور پر 1500 افراد کا روز گار وابستہ ہے۔ مستقبل میں یہاں کنوؤں کی تعداد میں اضافے سے مزید لوگوں کو روزگار کے مواقع میسر آئیں گے۔
