کابل، ۲۷ دلو، باختر
باش وزیرلیک اداره سی نینگ سیاسی اورینباسری مولوی عبدالکبیر توناون دارالامان محمدیه دارالعلوم حدیثلری نینگ بیتیروو مراسمیده اِیماندن کیین اینگ یخشی فضیلت دینی بیلیم آلیش ایکنلیگینی ایتدی.
او بیتیرگن عالِملردن اوز مسوولیتیدن کیلیب چیقیب، باشقه فقرالرگه دینی تعلیم بیریشنی سوردی.
مولوی عبدالکبیر بیتیرووچیلرگه مراجعت قیلیب، شوندهی دیدی: «مملکت اشغالی توگهتیلگن بیر پیتده اوقیشنی بیتیرهیات گنینگیز بختیارلیکدیر.»
اویلب کورینگکی، اسلام توزومی حکمدار، سیز ایسه بو ییرده دین خدمتی نینگ منبع سی دیر. سیاسی اورینباسرلیک نینگ قوشیمچه قیلیشیچه، جهاد دوری توگهدی، ایندی اسلام تیزیمینی حمایه قیلیش و مستحکملش وقتی کیلدی.
او بیتیرگن عالِملردن اسلام توزومینی حمایه قیلیش اوچون فقرالیک، حربی یاکه اوقیتووچیلیک ایشلریده خدمت قیلیشلرینی سوردی؛ خدمت قیلیشدن تارتینمسلیک کیرهک.
مولوی عبدالکبیر نینگ ایضاح بیریشیچه، افغان خلقیده علمالر نینگ بارلیگی و ملت بیلن اسلامی غرور خلق نینگ اشغالگه قرشی تورمسلیگیگه و مجاهدلرنی قوللب-قوّتلشیگه سبب بولگن.
او شوندهی دیدی: “دلو آیی نینگ ۲۶- کونی، شو کونی ساویت قوشینلری افغانستاندن قاچیب، مغلوبیتگه اوچرهدی. الحمدلله، بوگون ناتو و آمریکا نینگ مغلوبیتی و افغانلر نینگ ینه بیر جهادی دوری نینگ غلبهسی حقیدهگی خبرلر قوشیلدی. بوندهی واقعهلر کیلهجک اولادلریمیزگه آزادلیک، مستقللیک و اسلام قانونلرینی قوللشنی اورگهتهدی”.
سیاسی اورینباسرلیککه کوره، سونگگی اشغالنی یینگیش نینگ اوّلگی دورلردن فرقی شوندهکی، ناتو و آمریکا چیقیب کیتگنیدن سونگ افغانستانده اسلامی توزوم حکمران بولیب، خلق تولیق قوللب-قوّتلهگن.