کابل، ۵ دلو، باختر
مهاجرلر و قَیتگنلر وزیرلیگی نینگ یاردمنی موافقلشتیریش بولیمی باشلیغی خلقارا قوتقروو کمیتهسی نینگ بالهلرنی حمایه قیلیش باشقرمه سی باشلیغی بیلن اوچرهشوویده شوندهی دیدی: قوشنی دولتلردن مجبوری قَیتیب کیلگنلر بیرینچی طبی یاردمگه محتاج.
مهاجرلر و قَیتگنلر ایشلری وزیرلیگی مطبوعات خدمتی شوندهی دیدی: مهاجرلر و قَیتگنلر ایشلری وزیرلیگی نینگ یاردم موافقلشتیریش بولیمی باشلیغی شیخ عبدالرحمن رحمانی خلقارا قوتقروو کمیتهسی نینگ بالهلرنی حمایه قیلیش باشقرمه سی کتّه کوریناتوری کیوین موراتی بیلن اوچرهشدی.
اوشبو اوچرهشووده وزیرلیک و مذکور نهاد اورتهسیدهگی علاقه و موافقلیکنی ینهده تکامللشتیریش و مستحکملش، وزیرلیک فعالیتی نینگ اوستوار یونهلیشلرینی قندهی کوریب چیقیش، مذکور کمیته نینگ ینگی لایحهلرینی ریجهلشتیریش و لایحهلش، شونینگدیک، مذکور کمیته فعالیتینی ینهده کوچهیتیریش و کینگهیتیریش یوزهسیدن فکر المشیلدی. قَیتگنلر نینگ معمالرینی حل قیلیش اوچون دستورلر یره تیلدی.
رحمانی شوندهی دیدی: “بیز نینگ مقصدیمیز خلققه خدمت قیلیش، مناسب و مظلوم آدملرگه یاردم بیریشدیر. قوشنی دولتلردن مجبوراً قَیتگنلر آرهسیده کیکسهلر، کسللر و اساسی احتیاجلرگه محتاج بالهلر هم بار”.
کیوین موراتی محتاجلر نینگ رقملرینی انیقلش و ترتیبگه سالیشده اوشبو نهاد و مهاجرلر ایشلری وزیرلیگی اورتهسیده موافقلشتیریلگن ایشلشگه چقیردی.