کابل، د سلواغې ۱۰ مه، باختر
د عالیقدر امیرالمومنین شیخ حفظه الله د حکم له مخنې په کندهار کې د اوبو د زیرمه کولو په موخه د ۱۹ چیکډیمونو د جوړلو چارې پیل شوې دي.
د کندهار د کرنې، اوبولګولو او مالداری ریاست ویاند ننګیالي سمون د باخترآژانس خبریال ته وویل، چې د یاد ولایت په شاولیکوټ ولسوالۍ کې د کرنې اوبولګولو او مالدارۍ وزارت له خوا د درې میلیونه افغانیو په لګښت د یوه چیکډيم د رغولو چارې پیل شوې دې.
د نوموړي په خبره، دغه چیکډیم ۱۳۰ متره اوږدوالی او ۸ متره سور لري چې چارې به یې د یوې میاشتې په موده کې بشپړې شي.
