دبغلان ولايت دعامه کتابتون ودانۍ پرانستل شو ه

-کابل باختر د لړم اته ويشتمه :
دبغلان ولايت  داطلاعاتو او فرهنګ رياست  دعامه کتابتون ودانۍ  نن  دبغلان دوالي  عبدالستار بارز  او ددغه ولايت داطلاعاتو او فرهنګ درييسې  شکريې اصيل له خوا پرانستل شوه .
  دبغلان ولايت داطلاعاتو او فرهنګ  رييسه  شکريه اصيل  دباختراژانس خبريال ته وويل  دعامه کتابتون ودانۍ  د المان په مرسته  دڅه دپاسه  شپاړلسو مليونو افغانيو په لګښت  په پلخمري ښار کې  په دريو پوړونو کې په پاخه او اساسي ډول په يو کال کې جوړه شوې ده .  چې شپږ اداري خونې او دمطالعې  سالون لري . 
دې څرګنده کړه چې اوس  په دغه کتابتون کې  څه دپاسه شپږ زره ټوکه کتابونه شته .