کابل، د کب ۱۷مه، باختر
د افغانستان اسلامي امارت سرپرست مولوي محمدیعقوب مجاهد او لوی درستیز قاري فصیح الدین فطرت د قطر له امیر الشیخ تمیم بن حمد آل ثاني سره وکتل.
په دې کتنه کې د دواړو هېوادونو ترمنځ د اړیکو په پیاوړتیا او په بېلابېلو برخو کې پر پرمختګ بحث وشو.
په دې کتنه کې د قطر امیر الشیخ تمیم بن حمد آل ثاني افغانستان یو دوست او ورور هېواد وباله او د ښه نیت ښودنه یې وکړه.
ورته مهال مولوي محمد یعقوب مجاهد د قطر له همکاریو مننه وکړه او له خپله اړخه یې د اړیکو د پراختیا ډاډ ورکړ.
نوموړي همدا راز د افغانستان په آزادۍ او د اشغالګرو ځواکونو په ایستلو کې د قطر هېواد له کوربتوب او ښه منځګړيتوب څخه یې یوځل بیا مننه وکړه.
