کابل باختر دچنګاښ دمياشتې ٢ :
دوسله والو طالبانو دډلې يو مشهور قوماندان په لغمان ولايت کې دپوځيانو د ځانګرو عملياتو په بهيرکې ووژل شو.
په ملا ذاکر حقيار نن سهار دلغمان ولايت دالينګار ولسوالۍ د نورلام صاحب په دره کې دده په پټنځي کې دملي اردو او پوليسو دځواکونوله خوا بريد وشو اوله دوو تنو نورو جنګياليوسره ووژل شو.
د لغمان دوالي ويندوى سرحدي ځواک دباخترآژانس خبريال ته وويل : ملا ذاکر له خپلو افرادوسره يې ديو لړتروريستي بريدونو په پلان جوړولو بوخت وو ، چې بريد پرې وشو او ووژل شو.
ملا ذاکر دالينګارولسوالۍ په بيلابيلو سيمو کې د زياترو تروريستي بريدونو اصلي پلان جوړونکي بلل کيده .
په ننني بريد کې دملا عزيزالله اوملاسميع الله نومونو ددغه قوماندان دوه تنه نږدې ملګري هم وژل شوي دي .
د لغمان دوالي ويندوى وايي چې په دغو ځانګړو عملياتو کې دنورلام صاحب درې ملکي وګړو او پوځيانو ته زيان نه دى اوښتى .
