بامیان، ۵ دلو، باختر
بامیان نینگ تاريخی و طبيعی دقّتگه سزاوار جایلرینی زیارت قیلیش اوچون بو ولایتگه ۲۰ کیشی خارجلیک سیاحلر تشریف بویوریشدی.
بامیان اخبارات و مدنیت باشقرمه سی نینگ باشلیغی مولوی صفی الله رائد باختر آژانسیگه بو سیاحلر نینگ برچهسی آلبانيادن ایکنلیگینی ایتدی.
اونینگ قوشیمچه قیلیشیچه، اخبارات و مدنیت باشقرمه سی برچه خارجلیک سیاحلرنی قبول قیلهدی و اولر بیلن امکان قدَر همکارلیک قیلهدی.
انه شوندهی سیاحلردن بیری جان آلونی کوپ ییللردن بویان بامیانگه تشریف بویوریشنی آرزو قیلگنینی، ایندی ایسه بو کوپ ییللیک آرزوسیگه ایریشگنیدن جوده خورسند ایکنینی ایتهدی.
آلونی هم بامیاندهگی خوفسیزلیک حالتینی اعلی درجهده دیب بهالهدی و شوندهی دیدی: بیز حلی هیچ قندهی خوفسیزلیک معماسیگه دوچ کیلگنیمیز یوق و بو افغانستانده یخشی خوفسیزلیک بارلیگیدن دلالتدیر.
اسلام امیرلیگی نینگ ثمرهدارلیگی و افغانستانده خوفسیزلیک تأمینلنیشی بیلن چیت ایلّیک سیاحلر نینگ مملکت نینگ تاريخی و طبيعی دقّتگه سزاوار جایلریگه تشریف بویوریش ارقاملری آرتیب بارماقده.