کابل، ۸ قوس، باختر
کاپیسا ولایتی نینگ حصه اول و نجراب تومنلریده اوز عایلهسیگه مسوول بولگن مینگدن آرتیق کمبغل عیاللرگه توناون تاووق حمایه قیلیش و پرورشلش پاکتلری ترقهتیلدی.
ناروی کمیتهسی نینگ کاپیسادهگی دستور مدیری حسیب الله اسدی اوشبو بزنامه نینگ آچیلیش مراسمیده هر بیر بسته ده ۳۰ ته تاووق، ۳ ته سوو شیشهسی، ایکّیته خاده گادر البته سقلش ییری و ۳ قاپ تاووق دانهسی بارلیگینی ایتدی.
شو بیلن بیرگه، کاپیسا محلهسی متصدیلری مذکور کمیته تامانیدن کورسهتیلهیاتگن یاردم اوچون اوز منّتدارچیلیگینی بیلدیریب، همکار تشکیلاتلر بیلن و مناسب عایلهلرگه ییر اجرهتیش بارهسیده همکارلیکنی دوام ایتتیریشگه ایشانتیردی.
اولر بوندهی یاردم کم تأمینلنگن عایلهلر نینگ اقتصادی احوالینی یخشیلشده مهم رول اویناشینی قوشیمچه قیلیب، باشقه یاردم تشکیلاتلریدن هم شو کبی دستورلرنی عملگه آشیریشنی سورهشدی.
عینِ پیتده اوشبو پاکتلردن فایدهلنهیاتگن عیاللر نینگ اَیریملری اقتصادی معمالری شو آرقهلی حل بولیشینی ایتیشدی.
شونی تأکیدلش کیرهککی، بوندن آلدین کاپیسا نینگ تگاب و اله سای تومنلریدن بعضی کمبغل عیاللرگه هم شوندهی یاردم بیریلگن.