کابل ۱۶ ثور باختر
کان و پترولیم وزیرلیگی نینگ سرپرست وزیری مملکت ایچیده ییریک تیمیرنی قَیته ایشلش زواد(فابریکه)ینی تشکیل ایتیش مقصدیده میهن ستیل، خان ستیل و خان انجنیری ستیل تیمیرنی قَیته ایشلش و ایریتیش شرکتلری باشلیغلری بیلن اوچرهشوویده اولرنی قوللب-قوّتلشینی ایتدی.
کان و پترولیم وزیرلیگی مطبوعات خدمتی بوگون کان و پترولیم وزیرلیگی نینگ سرپرست وزیری شیخ الحدیث شهابالدین دلاور اوز حدودیده میهن ستیل، خان ستیل و خان انجنیر ستیل تیمیرنی قَیته ایشلش و ایریتیش شرکتلری باشلیغلری بیلن اوچرهشگنینی معلوم قیلدی.
مذکور اوچرهشووده نامی تیلگه آلینگن شرکتلر باشلیغلری دستلب افغانستانگه اهالی اقتصادی نینگ تأمینلش و اقتصادی اوسیشگه حصه قوشیش مقصدیده کیریب کیلگن تیمیرنی قَیته ایشلش و ایریتیش ساحهسیدهگی زواد(فابریکه)لری نینگ فعالیتی، وظیفهلری و ایشلب چیقریشلری حقیده معلومات بیردی.
کان و پترولیم وزیرلیگی نینگ سرپرست وزیری هم اقتصادی اوسیش و اهالی اوچون ینگی ایش اورینلری یرهتیلهیاتگن تیمیر ایریتیش ساحهسی و اونینگ محصولاتلری بوییچه اولر نینگ فعالیتی و وظیفهلرینی یوقاری بهالهدی همده اولر نینگ مملکتیمیزده ییریک تیمیرنی قَیته ایشلش زواد(فابریکه)ینی تشکیل ایتیشگه بولگن قیزیقیشی و قرارینی آلقیشلهدی. و اولر تاغ-کان قانونلری و قاعدهلریگه موافق تیمیر کانلری نینگ سرمایهوی قسمیده همکارلیک قیلیشگه وعده بیریشدی.
ینه بیر خبرگه کوره: کان و پترولیم وزیرلیگی نینگ سرپرست وزیری شیخ الحدیث شهابالدین دلاور پروان ولایتی کوه صافی کرومایت قراردادی شرکتی و غور ولایتی نینگ جست و قورغاشیم قراردادی بیر قطار ییتکچی و قیدیروو شرطنامه شرکتلری باشلیغلری بیلن اوچرهشدی.
اوچرهشووده یوقاریده تیلگه آلینگن باشلیغلر اوز فعالیتی و وظیفهلری حقیده اطرافلیچه معلومات بیریب، ایشلرنی تکامللشتیریش بوییچه اوز تکلیف و معمالرینی وزیرلیک نینگ سرپرست وزیری بیلن اورتاقلشدیلر، شونینگدیک، قید ایتیلگن حدودلرده قَیته ایشلش کارخانهلرینی تشکیل ایتیش یوزهسیدن فکر المشدیلر.
کان و پترولیم وزیرلیگی نینگ سرپرست وزیری اولر نینگ حسابات و ساحهدهگی تکلیفلرینی تینگلب، جریاننی تیزلشتیریش و ایشلرده شفّافلیکنی تأمینلش مقصدیده ضرور ساوغهلرنی تاپشیردی.