کابل ۲۹ ثور باختر
قندوز شه‌هری نینگ چهاردره تومنیده قویاش بطری‌سی آرقه‌لی سوو تأمیناتی ترماقی قوریلیشی یکونلنیب، ۲۳۳ عایله ایچیملیک سوویدن فایده‌لندی.
باختر آژانسیگه کوره؛ اوشبو سوو تأمیناتی ترماقی قندوز شهر قیشلاق حدودلرینی آبادانلشتیریش و رواجلنتیریش بولیمی تامانیدن جمع‌ی ۲۳۲ مینگ آمریکا دالری، دانیدا (Danida) اداره‌سی نینگ مالی کمه‌گی و داکار مؤسسه‌سی همکارلیگیده چهاردره تومنی نینگ، حاجی خان رسول قیشلاغیده قوریلگن.
اوشبو سوو تأمیناتی ترماقی سیغیمی ۴۰ کوب متر سوو سیغیمیگه ایگه بولگن بیتون انبارینی قوریش، اوی-جایلرگه ۱۴۱ کرن اورنه‌تیش، ۱۶ دانه قویاش بطری‌سی اورنه‌تیش، ۱۲۰ متر چوقورلیکده‌گی قودوق بورغولش، ۱۲ مینگ و ۵۰ متر قووورنی اوز ایچیگه آله‌دی. سوو تأمیناتی توپلملرینی ایشگه توشیریش و ترقه‌تیش اوشبو قیشلاق اهالیسی اوچون ساغلاملشتیریش رولیگه کیله‌دی.
ایتیش کیره‌ککی، مذکور لایحه عملگه آشیریلیشی نتیجه‌سیده ۴۵۰ کیشی اهالی ایش بیلن تأمینلندی.
