کابل ۲۹ ثور باختر
افغانستان قیزیل یریم آی جمعیتی بغلان ولایتیده یقینده یوز بیرگن سوو تاشقینی قربانلریگه آزوق-اوقات و ناازیق-اوقات محصولاتلری ترقتدی.
افغانستان قیزیل یریم آی جمعیتی مطبوعات خدمتی بوگون اوشبو خبرنی اعلان قیلیب، شوندهی دیدی: ۵ تُن آزوق-اوقات و ۲۰۰۰ تخته کمپلدن عبارت اوشبو ماتریاللر بغلان ولایتی نینگ بُرکه تومنیدهگی سیلدن جبر کورگن ۱۰۰۰ عایلهگه ملا نورالدین ترابی قیزیل یریم آی جمعیتی اورینباسری و مشعل الحاضری قطر خیریه جمغرمهسی مسوولی اشتراکیده ترقتیلدی.
اوشبو یاردم قطر دولتی تامانیدن تیارلنگن بولیب، اونده هر بیر عایلهگه اون، یاغ، گوروچ، لوبیا، شکر، کوک چای و توزدن عبارت ۲ کمپل و ۴۶ کیلوگرامدن آزوق-اوقات بیریلدی.