کابل ۵ ثور باختر
روسيه جمهور رئیسی نینگ افغانستان بوییچه مخصوص وکیلی ضمیر کابلوف باش وزیرلیک ادارهسی نینگ سیاسی اورینباسری بیلن اوچرهشوویده شوندهی دیدی: مسکو – افغانستان نینگ بیرلشگن ملتلر تشکیلاتیدهگی اورنینی اسلام امیرلیگی وکیلیگه تاپشیرماقچی.
ارگ اخبارات نامهسیده شوندهی یازدی: باش وزیرلیک ادارهسی نینگ سیاسی اورینباسری مولوی عبدالکبیر روسيه جمهور رئیسی نینگ افغانستان بوییچه مخصوص وکیلی ضمیر کابلوف بیلن اوچرهشدی.
روسيه نینگ کابلدهگی ایلچیسی ضمیر کابلوف هم اشتراک ایتگن اوشبو اوچرهشووده افغانستان و روسيه اورتهسیدهگی مناسبتلرنی رواجلنتیریشگه چقیریشدن تشقری، «مسکو – افغانستان نینگ بیرلشگن ملتلر تشکیلاتیدهگی اورنینی افغانستان اسلام امیرلیگی وکیلیگه تاپشیرماقچی».
کابلوف روسيه نینگ افغانستان اسلام امیرلیگی بیلن ایجابی مناسبتلری دوام ایتیشینی و روسيهلیک سرمایهدارلر افغانستانگه سرمایه کیریتیشدن همان علاقهدار ایکنینی قوشیمچه قیلدی.
روسيه نینگ افغانستان بوییچه مخصوص وکیلی اسلام امیرلیگی نینگ داعشنی باستیریش و بنگی وار مادّهلرگه قرشی کورهشدهگی سعی-حرکتلرینی یوقاری بهالهدی.
افغانستان اسلام امیرلیگی باش وزیرلیک ادارهسی نینگ سیاسی اورینباسری مولوی عبدالکبیر هم اوشبو اوچرهشووده اسلام امیرلیگی مسکو نینگ افغانستان بوییچه موضوعینی آلقیشلب و بو دولتگه کورستگن یاردمی اوچون منّتدارچیلیک بیلدیریشینی ایتدی.
مولوی عبدالکبیر افغانستان نینگ سیاسی، مدنی و بنایی قوریلمهلرینی قَیته تیکلشده روسيه نینگ یاردمی ضرورلیگینی ایسلهتیب، کابل و مسکو نینگ بیرگهلیکدهگی سعی-حرکتلری منطقهدهگی تهدیدلر نینگ آلدینی آلیشی ممکنلیگینی ایتدی.
باش وزیرلیک ادارهسی نینگ سیاسی اورینباسری هم افغانستانگه مسکو فارمتیدهگی رسمی اعضالیکنی تاپشیریش ایستهگینی بیلدیردی.