کابل ۱۵ ثور باختر
افغانستان اسلام امیرلیگی نینگ دوحه‌ده‌گی سیاسی اداره‌سی باشلیغی محمد سهیل شاهین خلق‌ارا قیزیل خاچ و قیزیل یریم آی جمعیتلری فدراسیونی باشلیغی نیسفور مغندی بیلن اوچره‌شدی.
شاهین اوزی نینگ ایکس صحیفه‌سیده خلق‌ارا قیزیل خاچ و قیزیل یریم آی جمعیتلری فدراسیونی باشقرووی باشلیغی نیسفور مغندی و اوشبو نهاد نینگ اوزارا همکارلیگی بوییچه باشلیغی هما ذکریا نادر بیلن فایده‌لی اوچره‌شوو اوتکزگنینی یازدی.
او قوشیمچه قیله‌دی: «بیز خلق‌ارا قیزیل خاچ و قیزیل یریم آی جمعیتی فدراسیونی نینگ افغانستان نینگ تورلی حدودلریده کورسه‌ته‌یاتگن انسانپرورلیک یاردمی، خصوصاً، بیوه‌لر، ییتیملر و یوره‌ک خسته‌لیگی بولگن باله‌لرگه یاردم بیریش حقیده گپلشدیک».
شونینگدیک، افغانستان اسلام امیرلیگی نینگ دوحه‌ده‌گی سیاسی اداره‌سی باشلیغیگه کوره؛ ایکّله‌میز هم انسانپرورلیک یاردمی و مهم رواجلنیش لایحه‌لریگه احتیاج آرتیب باره‌یاتگنینی تأکیدله‌دیک.
