کابل ۱۶ ثور باختر
باش وزیر اداره‌سی نینگ اداری اورین‌باسری، پروفیسور دوکتور عبدالکریم قَیومی بیلن اوچره‌شوویده افغانستان اسلام امیرلیگی مملکتده ساغلیقنی سقلش ساحه‌سینی ستندردلشتیریش و افغانستان خلقیگه ینه‌ده صفتلی طبی خدمتلر کورسه‌تیش طرفداری ایکنینی ایتدی.
ارگ اخبارات نامه‌سیده باش وزیر اداره‌سی نینگ اداری اورین‌باسری مولوی عبدالسلام حنفی، پروفیسور دوکتور عبدالکریم قیومی بیلن اوچره‌شگنینی یازدی.
اوشبو اوچره‌شووده پروفیسور عبدالکریم قیومی مملکتده‌گی ساغلیقنی سقلش حالتی، شفاخانه و شفاکارلر حقیده توخته‌لیب اوتدی و حاضرده مملکتیمیزده‌گی هر بیر بولیمده متخصص شفاکارلر ییترلی و اولرگه اعتبار بیریلسه، ایلغار جهاز و جهازلر بیلن تأمینلنسه، دیدی. طبیات ساحه‌سیده اولر تورلی بولیملرده بیمارلر نینگ معمالریگه جواب بیریشلری ممکن دیب حسابله‌دی.
قیومی طلبه‌لر اوچون تعلیم درجه‌سینی آشیریش و زمانه‌وی بیلیملرنی آلیش اوچون امکان قدَر کوپراق آنلاين دستورلرنی ایشگه توشیریشنی خواهله‌دی و اسلام امیرلیگی رسميلریدن ستندردلشتیریلگن طبی اسباب-اسکونه‌لر بیلن تأمینلشنی، شفاخانه‌لر و ساغلیقنی سقلش مرکزلرینی رواجلنتیریش و ستندردلشتیریشنی سوردی.
باش وزیر اداره‌سی نینگ اداری اورین‌باسری مولوی عبدالسلام حنفی هم ساغلیقنی سقلش خدمتلرینی خلق نینگ اساسی احتیاجلریدن بیری دیب اته‌دی و اسلام امیرلیگی مملکتده ساغلیقنی سقلش ساحه‌سینی ستندردلشتیریش و آدملرگه یخشی ساغلیقنی سقلش خدمتلرینی تقدیم ایتیش طرفداری ایکنلیگینی ایتدی.
مولوی حنفی نینگ قوشیمچه قیلیشیچه، تیگیشلی اداره‌لر برچه شفاخانه‌لرنی ایلغار طبی جهازلر بیلن تأمینلشگه حرکت قیلماقده، شو بیلن بیرگه شفاکارلر صلاحیتینی آشیریش و شفاخانه‌لر و ساغلیقنی سقلش مرکزلریده ملَکه‌لی متخصصلرنی یاللش دستورلرینی ایشگه توشیرماقده.
باش وزیر اداره‌سی نینگ اداری اورین‌باسری، شونینگدیک، مملکتیمیزده متخصص شفاکارلرنی تیارلش اوچون ییترلی امکانیتلر موجودلیگی، بو امکانیتلردن توغری فایده‌لنیلسه، ساغلیقنی سقلش ساحه‌سیده‌گی کوپلب معمالر حل ایتیلیشینی تأکیدله‌دی.
