کابل ۱۹ حوت باختر
چین تشقی ایشلر وزیری وانگ یی غزه ده تینچلیک اورنهتیش اوچون خلقارا ییغیلیش اوتکزیشگه چقیردی.
خلقارا ییتکیرمه خبرلریگه کوره؛ چین خلق کانگرسی نینگ ییللیک ۵۵ ینچی ییغیلیشده وانگ یی غزه دهگی اوروشنی « بشریت تمدنی نینگ شرمندهلیگی» دیب اتهدی و غزه ده اوت آچیشنی توختهتیب، فلسطیننی بیرلشگن ملتلر تشکیلاتیگه بوتونلی اعضا بولیشگه چقیردی.
او آمریکا نینگ چین حقیدهگی تصورلری حقیده هم شوندهی دیدی: آمریکا نینگ چین حقیدهگی ناتوغری تصوری دوام ایتماقده و واشینگتن نینگ وعدهلری بجریلمهدی. آمریکا بو بیله میز چینی باستیریش اوچون هر دایم ینگی اصوللردن فایدهلنهدی و هر کونی بیر تمانلمه چیکلاولر رویخطیگه قوشیلهدی.
ایسلهتیب اوتمیز، چین تشقی ایشلر وزیری آمریکا نینگ چینگه نسبتاً بیر تمانلمه چیکلاولرینی اوزهیتیریشینی ناتوغری دیب اتهگن بولسه-ده، چین و روسيه اورتهسیدهگی مناسبتلرده ینگی قالب شکللنگنینی هم اعلان قیلگن و بو قالبنی چینگه نسبتاً مناسبتلر اورنهتیش یولیده دیب اتهگن.