کابل، ۱۳ قوس، باختر
چین نینگ گوانگژو شهریده بوتون جهان مدیا مجموعه سی ییغینی بولدی.
عاموی اخبارات واسطهلری خادملری نینگ اوشبو جهانی انجمنیده باختر اخبارات آژانسی نینگ باشلیغی مولوی ضیاءالحق حقمل هم اشتراک ایتدی.
باختر آژانسی مخبری چین نینگ گوانگژو شهریدن خبر بیردی. بوتون جهان مدیا مجموعه سی «جهانی ایشانچنی آشیریش، رسانه لر رواجیگه کمکلشیش» سرلوحهسی آستیده بولیب، اونده ۱۰۱ دولتدن ۴۵۰ کیشی رسانه لر خادملری و ایگهلری اشتراک ایتدی.
اوشبو مجمع نینگ آچیلیش مراسمیده ۱۹۷ کیشی رسانه لر باشلیغلری، جملهدن، شینهوا، تاس، رویترز، اسوشیتد پرس، ایرنا، کیدو، باختر اخبارات آژانسی… چین حکومتی رسميلری، خلقارا تشکیلاتلر، چینده استقامت قیلووچی خارجی دیپلوماتلر و بیرلشگن ملتلر تشکیلاتی نینگ نماینده لری اشتراک ایتدی
عاموی اخبارات واسطهلری امکانیتلری و معمالری، مدیا همکارلیگینی رواجلنتیریش و مستحکملش، عاموی اخبارات واسطهلری اورتهسیده ایشانچنی مستحکملش، جهاندهگی مهم واقعهلرده رسانه لر نینگ اورنی، عاموی اخبارات واسطهلرینی رقملشتیریش و مدیالرنی دیجیتالی قیلیش و مصنوعی ذکاوتی نینگ رسانه لرگه تاثیری اوشبو مجموعه اشتراکچیلری اورتهسیده بحث قیلینهدیگن مسألهلر قطاریگه کیرادی. جاری ییل نینگ ۲ – ۸ دسمبر کونلری بولیب اوتهدی.
بوتون جهان مدیا مجموعه سی ۲۰۰۹ ینچی ییلده شینهوا، تاس، رویترز و باشقه بیر قطار عاموی اخبارات واسطهلری نینگ گروه تشبثی بیلن تشکیل ایتیلگن بولیب، اونینگ مقصدی رسانه لرنی موافقلشتیریش، کینگهیتیریش و مستحکملشدن عبارت دیر.