سرپل ۱۱ حوت باختر
توناون کیچه سرپل تومنی حاکملیگیدن یاردم سورهگن بیر قنچه دهقانلرگه ایکینچیلیک، ییرلرنی سوغاریش و چارواچیلیک باشقرمه سیدن خوفسیزلیک و حربی کوچلر همکارلیگیده چاروا اوچون آزوقه ییتکزیب بیریلدی. حیوانلر نینگ اوشبو آزوقهسینی آلیش آرقهلی اولر نینگ یوزلب قارهماللری هلاکتدن قوتقریلدی.
سرپل حاکملیگی خبرنامه سیده بو ولایت نینگ حاکمی الحاج محمد یعقوب عبدالرحمن اکه نینگ قولیدن ایتیشیچه، بو ییم-خشَک سونگگی بیر نیچه کونلیک قار یاغیشیدن مادّی ضرر کورگن دهقانلر اوچون محلی حکومت تامانیدن تیارلنگن.
سرپل ایکینچیلیک، ییرلرنی سوغاریش و چارواچیلیک باشقرمه سی باشلیغی قاری عبدالقادر وحدت یقینده کوچلی یاغگن قاردن جبر کورگن دهقانلرگه اوشبو ماتریاللر ترقهتیلگنی و اولر اوشبو یاردملرنی اینالنینگ برچه تومنلریگه ترقهتیشگه حرکت قیلیشهیاتگنینی ایتدی.
بیراق سرپللیک بیر قطار چاروادار و دهقانلر ولایت متصدیلری نینگ اوز معمالرینی حل ایتیشگه بولگن اعتباریدن ممنون ایکنلیکلرینی، ساحهده همکارلیک نینگ کینگهییشینی ایستشلرینی بیلدیریشماقده.
کوپ و دواملی قار یاغیشی عاقبتیده بیر قنچه چاروادارلر ضرر کورگن، چاروا ماللری نابود بولگن بیر پیتده سرپل محلهسی متصدیلری تامانیدن چاروادارلرگه بوندهی یاردم کورسهتیلماقده.
ایتیش جایزکی، سرپل شهریده جایلشگن ایچکی ایشلر باشقرمه سی و قول اردو لواسی و بو ولایت نینگ امنیه قوماندانلیگی خادملری چاروادارلرگه اوز شخصی ترکیبی و ترانسپورت واسطهلری بیلن یاردم بیریشگه شاشیلیب، مرکزدهگی چاروا ماللری و تومنلرده حیوانلرنی باقیش میدانچهلریده و قطار چاروا ماللری اوچون آزوقه تیارلب بیریشگن.