کابل ۲۲ حوت باختر
پاکستان نینگ ینگی وزیرلر کابینه‌سی اعضالری مملکت جمهور رئیسی آصف علی زرداری اشتراکیده صادقلیک قسم‌یادینی قبول قیلدی.
بو مراسم توناون اسلام‌آباد‌گی نینگ ایون صدریده بولیب اوتدی.
وزیرلر کابینه‌سی نینگ ینگی رویخطیده مسلم‌لیگ پارتی نینگ اساسی اربابلری، جمله‌دن خواجه آصف؛ سابق مدافعه وزیری اسحاق دار؛ سابق مالیه وزیری احسن اقبال؛ ریجه‌لشتیریش وزیری و اعظم نظیر؛ بو مملکت نینگ سابق حقوق وزیری، آخرگی باش وزیرلیک دوریده شهباز شریف کابینتیده هم بولگن اسحاق دار، ینگی کابینتده تشقی ایشلر وزیری صفتیده صادقلیک قسم‌یادینی یاد ایتدی.
وزیرلر کابینه‌سی نینگ ینگی ترکیبیده عالم خان، خالد مقبول صدیقی، فاطمه خواجه، محسن رضا نقوی، کمال خان هم بار.
باش وزیر شهباز شریف کابینتی نینگ ینگی رویخطی یکونی ایمس و حاضرچه ینگی حکومت ترکیبیگه کیرگن خلق پارتی کابینتده‌گی اوز اعضالرینی انیقله‌مه‌گن.
شهباز شریف باشچیلیگیده‌گی ینگی وزیرلر کابینه‌سی اوزی نینگ ایلک ییغیلیشیده اقتصادی انقراض، برق قوّتی یوقلیگی، خوفسیزلیک معمالری، پاکستان نینگ قوشنیلری بیلن قیین مناسبتلری و پاکستان دوچ کیله‌یاتگن باشقه مسأله‌لرنی کوریب چیقیشی کوتیلماقده.
جاری ییل نینگ ۸ فبروریده پاکستانده پارلمان سیلاولری بولیب اوتدی، اونده پارتی لردن هیچ بیری پارلمانده‌گی کوپچیلیک ا‌ورینلرنی قولگه کیریته آلمه‌دی.
مسلم‌لیگیدن کیین خلق پارتی و ینه ۴ پارتی قوشمه حکومت توزدی و شهباز شریف باش وزیر ایتیب سه‌یلندی.
