کابل ۲۶ حمل باختر
باش وزیرلیک ادارهسی نینگ سیاسی اورینباسری اسلام امیرلیگی نینگ قطار رسميلری، علمالر، مجاهدلر و ایتنیک آقسقاللر بیلن اوچرهشوویده هر بیر افغان خوفسیز محیطده یشهش و اوز بختینی نشانلش حقوقیگه ایگه ایکنلیگینی تأکیدلهدی.
ارگ خبرنامهسیده یازییشیچه، اوشبو اوچرهشووده قبیله آقسقاللری و دین علمالری هییت کونلریده خوفسیزلیک تأمینلنگنیدن ممنون ایکنلیکلرینی بیلدیریب، تیگیشلی ادارهلرگه اوز منّتدارچیلیگینی بیلدیریشگن.
اولر خلق مجاهدلر و خوفسیزلیک خادملری نینگ «یخشی» خطی-حرکتلریدن ممنون ایکنلیکلرینی ایتیب، اسلام امیرلیگی بیلن هر قندهی همکارلیککه تیار ایکنینی قوشیمچه قیلدیلر.
باش وزیرلیک ادارهسی نینگ سیاسی اورینباسری مولوی عبدالکبیر هم اوشبو اوچرهشووده هر بیر افغان خوفسیز محیطده یشهش و اوز بختینی نشانلش حقوقیگه ایگه ایکنلیگینی و اسلام امیرلیگی بو حقوقنی بجریشنی اوز مسوولیتی دیب بیلیشینی ایتدی.
باش وزیرلیک ادارهسی نینگ سیاسی اورینباسری هم خوفسیزلیک کوچلری و خلق اورتهسیدهگی «یخشی» همکارلیک و موافقلشتیریش طفیلی هییتدن کیین خوفسیزلیکنی تأمینلشگه حرکت قیلینیشینی بیلدیردی.