کابل ۱۶ ثور باختر
باش وزیر ادارهسی نینگ سیاسی اورینباسری، اوّلگی مأموریت نینگ ولسی جرگه اعضاسی بیلن اوچرهشوویده افغانستان اسلام امیرلیگی برچه افغانلر نینگ مقّدسلیگی و شأنینی حمایه قیلیش اوچون مسوول ایکنینی و برچه افغانلر حیاتینی حمایه قیلیشینی تأکیدلهدی.
ارگ خبرنامهسیده، باش وزیر ادارهسی نینگ سیاسی اورینباسری توناون مولوی عبدالکبیر نینگ سپیدار سراییده ولسی جرگه اورینباسری و ننگرهار خلقی نینگ اوّلگی حکومت پارلمانیدهگی وکیلی عبدالظاهر قدیر بیلن اوچرهشگنینی یازدی.
عبدالظاهر قدیر بو اوچرهشووده اسلام امیرلیگی نینگ مملکتده ملی خوفسیزلیکنی تأمینلهگنینی آلقیشلب، افغانستان نینگ کوپلب حدودلریده ایجابی اوزگریشلر بولگنی و آدملر بوندن خورسند ایکنینی ایتدی.
شونینگدیک، او اوز تکلیف و مصلحتلرینی باش وزیر ادارهسی نینگ سیاسی اورینباسری بیلن اورتاقلشدی و افغانلر اورتهسیده بیردملیکنی، حکومت و خلق اورتهسیدهگی همکارلیکنی مستحکملشنی خواهلهدی.
اوچرهشووده افغانستان اسلام امیرلیگی وزیرلیگی نینگ سیاسی اورینباسری مولوی عبدالکبیر هم افغانستان اسلام امیرلیگی برچه افغانلر نینگ مقّدسلیگی و شأنینی حمایه قیلیش اوچون مسوول ایکنینی، افغانستانده برچه افغانلر نینگ حیاتی خوفسیزلیگینی تأکیدلهدی.
مولوی عبدالکبیر خارجده یشهیاتگن برچه افغانلردن افغانستانگه قَیتیشنی و اوز یورتیده «شرَف بیلن» یشهشنی سوردی.
باش وزیر ادارهسی نینگ سیاسی اورینباسری، شونینگدیک، افغانستان اسلام امیرلیگی دروازهسی برچه افغانلر اوچون آچیق ایکنلیگینی و اولر مملکت فقرالری نینگ مصلحت و تکلیفلرینی ممنونیت بیلن قبول قیلیشینی قوشیمچه قیلدی.