کابل ۶ حوت باختر
نورستان ولایتی حاکمی اورین‌باسری بیلن اوچره‌شوویده باش وزیر اداره‌سی نینگ سیاسی اورین‌باسری برچه اداره‌لر، مؤسسه‌لر و یاردم تشکیلاتلری جبرلنگنلر اوچون باش‌پناه قوریش ایشلرینی باشلشی کیره‌کلیگینی ایتدی.
باش وزیر اداره‌سی سیاسی مطبوعات خدمتی بوگون بو خبرنی اعلان قیلدی: باش وزیر اداره‌سی سیاسی نینگ اورین‌باسری مولوی عبدالکبیر نورستان حاکمی اورین‌باسری مولوی محمد فیصل مختار بیلن اوچره‌شدی.
اوشبو ییغیلیشده نورستان حاکمی نینگ اورین‌باسری مولوی محمد فیصل مختار باش وزیر اداره‌سی نینگ سیاسی اورین‌باسریگه اوشه ولایت نینگ نورگرام تومنیده‌گی قار کوچکیسی و تاغ سیلجیشی حقیده معلومات بیردی و بو واقعه نورگرام تومنی نینگ نقره قیشلاغیده صادر بولگنلیگینی ایسله‌تدی. نتیجه‌ده ۲۱ کیشی شهید، ۴ کیشی یره‌دار و ۲۴ ته تورر-جای بوتونلی ویران بولگن.
مولوی فیصل مختار قوشیمچه قیلدی: طبيعی آفتلر کیلتیریب چیقرگن قیینچیلیکلرگه قرشی کوره‌شیش و جبرلنگنلرگه یاردم بیریش مقصدیده بیر قطار نورستان محلی مأموریتلری و اوچا مأموریتیدن عبارت مخصوص کمیته توزیلدی.
شخص نینگ سوزلریگه کوره، نورگرام تومنی نینگ بیرینچی قِسمیده استقامت قیلووچیلری وقتینچه کوچیریلگن ۲۵۰ ته اوی هنوزگچه کوچکی خوفی آستیده قالماقده و اولرگه یاردم کورسه‌تیلماقده.
نورستان حاکمی نینگ اورین‌باسری ینه شونده‌ی دیدی: جبرلنگن عایله‌لر اوچون باش‌پناه‌لرنی ایتوک و عادی طرزده قوریش کیره‌ک.
باش وزیر اداره‌سی نینگ سیاسی اورین‌باسری مولوی عبدالکبیر یقینده نورستانده صادر بولگن واقعه عاقبتیده قربان بولگنلر و کوریلگن تلفاتلردن تأسفده ایکنینی بیلدیریب، شهیدلر نینگ جنتگه کیریشینی، عایله اعضالری نینگ سخاوتینی تیله‌ب، رحملی الله گه دعا قیلدی.
دونر بولیملر نینگ همکارلیگیگه منّتدارچیلیک بیلدیریب، او شونده‌ی دیدی: امیرلیک نینگ برچه تیگیشلی اداره‌لری، مؤسسه و تشکیلاتلری جبرلنگنلر اوچون باش‌پناه قوریش ایشلرینی باشلشلری کیره‌ک.
