کابل ۱۷ ثور باختر
روسيه فدراسیونی نینگ کابلده‌گی ایلچیسی باش وزیر اداره‌سی نینگ سیاسی اورین‌باسرینی تاتارستان نینگ کازان شهریده بولیب اوته‌دیگن خلق‌ارا ییغیلیشده اشتراک ایتیشگه تکلیف قیلدی.
ارگ خبرنامه‌سیده خبر بیریشیچه، باش وزیر اداره‌سی نینگ سیاسی اورین‌باسری مولوی عبدالکبیر سپیدار سراییده روسيه فدراسیونی نینگ کابلده‌گی ایلچیسی دیمیتری ژیرنوف بیلن اوچره‌شگن.
بو اوچره‌شووده دیمیتری ژیرنوف روسيه افغانستان بیلن تورلی ساحه‌لرده همکارلیک قیلیشگه تیار ایکنلیگینی و ایکّی تامان اورته‌سیده‌گی مناسبتلرنی ینه‌ده کینگه‌یتیریشنی ایستشینی ایتدی.
ژیرنوف افغانستان اسلام امیرلیگی و روسيه اورته‌سیده‌گی ایکّی تامانله‌مه همکارلیک و اوزارا همکارلیک منطقه برقرارلیگی و افغانستان نینگ اقتصادی رواجلنیشیگه یاردم بیریشی ممکنلیگینی قوشیمچه قیلدی.
روسيه نینگ افغانستان بوییچه خلق‌ارا اوچره‌شوولرده‌گی «ایجابی» فکرینی ایسله‌تیب، او مسکو – افغانستان اسلام امیرلیگی نینگ مهم اوچره‌شوولرده‌گی فکرلرینی قدرلشینی ایتدی.
روسيه فدراسیونی نینگ کابلده‌گی ایلچیسی افغانستان اسلام امیرلیگی باش وزیری نینگ سیاسی اورین‌باسرینی تاتارستان پایتختی کازان شهریده بولیب اوته‌دیگن خلق‌ارا ییغیلیشده اشتراک ایتیشگه تکلیف قیلر ایکن، اوشبو اوچره‌شوو حقیده معلومات بیردی.
افغانستان اسلام امیرلیگی وزیرلیگی نینگ سیاسی اورین‌باسری مولوی عبدالکبیر هم روسيه نینگ افغانستان بیلن تورلی ساحه‌لرده‌گی همکارلیگی و یاردمینی یوقاری بهالب، کابل و مسکو اورته‌سیده‌گی مناسبتلر هر ایکّی تامان اوچون هم علاقه‌دار ایکنینی، برقرارلیک و ترقیاتگه آلیب کیلیشی ممکنلیگینی ایتدی.
باش وزیر اداره‌سی نینگ سیاسی اورین‌باسری، شونینگدیک، رسمی تکلیف اوچون روسيه حکومتیگه منّتدارچیلیک بیلدیریب، ایکّی دولت اورته‌سیده‌گی مناسبتلرنی مهم و دوستانه دیب اته‌دی، شونینگدیک، روسيه‌لیک سرمایه‌دارلردن افغانستانگه سرمایه کیریتیشنی ایسته‌دی.
