کابل ۳ ثور باختر
باش وزیرلیک ادارهسی نینگ سیاسی اورینباسری اسلام همکارلیک تشکیلاتی نینگ گومانیتور (بشردوستلیک)، مدنی و اجتماعی مسألهلر بوییچه اورینباسری بیلن اوچرهشوویده اسلام عالمی سرمایهدارلرینی موجود امکانیتدن فایدهلنیب افغانستانگه سرمایه کیریتیشگه تکلیف قیلدی.
ارگ اخبارات نامهسیده شوندهی یازهدی: افغانستان باش وزیرلیک ادارهسی نینگ سیاسی اورینباسری مولوی عبدالکبیر اسلام همکارلیک تشکیلاتی نینگ گومانیتار، مدنی و اجتماعی مسألهلر بوییچه اورینباسری، اسلام همکارلیک تشکیلاتی نینگ مخصوص وکیلی دوکتور طارق علی بخیت اوشبو تشکیلات نینگ افغانستان بوییچه کاتبی و اونگه همراهلیک قیلگن هیئتی بیلن اوچرهشدی.
اوشبو اوچرهشووده دوکتور طارق علی بخیت اسلام همکارلیک تشکیلاتی هیئتی نینگ افغانستانگه تشریفینی اوشبو تشکیلات نینگ افغانستان اسلام امیرلیگی بیلن «یخشی» نیتی و «یخشی» علاقهلری افادهسی صفتیده بهالهدی و اسلام عالمی و اسلام همکارلیک تشکیلاتی افغانستانگه یاردم بیریش و همکارلیک قیلیشگه بیل باغلگن و بو تشکیلات اعضالری افغانلر نینگ اوستوار یونهلیشلرینی انیقلش اوچون افغانستانگه هیئت یوباریشگه قرار قیلگن.
بخیت اسلام همکارلیک تشکیلاتیدن افغانستانگه یاردم کورسهتیش اوچون جمغرمه تشکیل ایتیلگنینی تیلگه آلدی و بو جمغرمه افغانلرگه یاردم ییغیش مقصدیده تشکیل ایتیلگنینی قوشیمچه قیلدی.
اونینگ تأکیدلشیچه، اسلام همکارلیک تشکیلاتی افغانستان بوییچه یشیرین کون ترتیبیگه ایگه ایمس، بلکه افغانلرگه یاردم بیریش و افغانستان نینگ دنیا بیلن اوزارا همکارلیگی اوچون زمينه یرهتیشگه حرکت قیلهدی.
اسلام همکارلیک تشکیلاتی نینگ افغانستان بوییچه مخصوص وکیلی اسلام امیرلیگی نینگ داعشگه قرشی کورهش و اونی باستیریش بارهسیدهگی سعی-حرکتلرینی یوقاری بهالهدی و اونگه کوره؛ اسلام امیرلیگی نینگ قوریلمه لایحهلرینی باشلش و افغانستاننی اقتصادینی مستحکملش بارهسیدهگی سعی-حرکتلری کتّه اهمیتگه ایگه ایکنلیگینی ایتدی.
دوکتور طارق علی بخیت، شونینگدیک، اَیریم حاللرده خواطرگه توشگن افغانستانگه قوشنی دولتلر اولرنی حل قیلیش اوچون افغانستان اسلام امیرلیگی بیلن یقیندن گپلشیشی کیرهکلیگینی ایتدی.
مولوی عبدالکبیر شوندهی دیدی: افغانستان اسلام امیرلیگی اسلام همکارلیک تشکیلاتی نینگ افغانستانگه و جهان مقیاسیده کورسهتهیاتگن یاردمی اوچون سعی-حرکتلریگه منّتدارچیلیک بیلدیرهدی.
مولوی عبدالکبیر افغانلرگه انسانپرورلیک یاردمی دوام ایتهیاتگنیگه اورغو بیریب، اسلام همکارلیک تشکیلاتی افغانستان نینگ باشقه دولتلر بیلن علاقهلرینی رواجلنتیریشده ایجابی رول اۉیناشینی تیلهشینی قوشیمچه قیلدی.
تشقی ایشلر وزیرلیگی نینگ سیاسی اورینباسری اسلام امیرلیگی افغانستانده داعشنی اوچ ییلدن کمراق وقت ایچیده یوق قیلگنی و هیچ کیمگه افغانستان توپراغیدن باشقه دولتلرگه قرشی فایدهلنیشیگه رخصت بیرمسلیگینی ایتدی.
اونینگ ایتیشیچه، افغانستانده تولیق اسلامی و مستقل توزوم حکمرانلیک قیلماقده، او برچه دولتلر، اینیقسه اسلامی دولتلر بیلن یخشی علاقهلر بولیشینی، شونینگدیک، منطقهده همکارلیک، اوزارا همکارلیک و برقرارلیکنی رواجلنتیریشنی خواهلیدی.
اونگه کوره؛ اسلام دولتلری بیلن دینی، مدنی، تاریخی و سیاسی مشترک تامانلریمیز بار و بو مشترکلیکنی مستحکملش اوچون تورلی ساحهلرده همکارلیکنی دوام ایتتیریشیمیز کوتیلماقده».
مولوی عبدالکبیر اسلام عالمی سرمایهدارلرینی امکانیتدن فایدهلنیب افغانستانگه سرمایه کیریتیشگه تکلیف قیلدی و افغانستانده اوچ ییلدن کمراق وقت ایچیده جوده کوپ اوزگریشلر بولگنینی ایتدی.
باش وزیرلیک ادارهسی نینگ سیاسی اورینباسری اسلام امیرلیگی رهبریتی نینگ فرمانیگه کوره، قیزلرنی زورآورلیک قیلیش، عیاللرنی میراثدن محروم قیلیش و مجبوراً تورموشگه چیقریش تعقیقلنگنی و بو فرمان عملده حیاتگه تطبیق ایتیلهیاتگنینی، شونینگدیک، برچه عیاللرنی قوشیمچه قیلدی. دولت ادارهلریده ایشلهیدیگن افسرلر و اوقیتووچیلر، اولر ایشلهگن، ایشدن بوشهتیلگنی یوق و اولر اوز اویلریده معاش آلهدیلر.
باش وزیرلیک ادارهسی نینگ سیاسی اورینباسری هم اسلامی دولتلر غزه مسألهسیده مظلوم فلسطینلیکلرنی قوللب-قوّتلشده دوام ایتیشلری و بو سناریو نینگ اسلام عالمی نینگ باشقه حدودلریده تکرارلنیشیگه یول قویمسلیکلری کیرهکلیگینی تأکیدلهدی.
تأکیدلش کیرهککی، اسلام همکارلیک تشکیلاتی نینگ گومانیتار، مدنی و اجتماعی مسألهلر بوییچه اورینباسری، اوشبو تشکیلات باش کاتبی نینگ افغانستان بوییچه مخصوص وکیلی دوکتور طارق علی بخیت و اونگه همراهلیک قیلگن هیئت کابلگه قیلگنیدن بویان باش وزیرلیک ادارهسی نینگ سیاسی اورینباسری، باش وزیرلیک ادارهسی اداری اورینباسری، و افغانستان اسلام امیرلیگی تشقی ایشلر وزیرلیگی نینگ سرپرست وزیری بیلن هم اوچرهشوولر اوتکزگن.