کابل ۱۳ ثور باختر
صنعت و تجارت وزیرلیگی نینگ سرپرست وزیری، نیمروز ولایت حاکمی بیلن چابهار یونه‌لیشیده‌گی سودا و ترانزیت مسأله‌لرینی بحث قیلدی.
صنعت و تجارت وزیرلیگی مطبوعات خدمتی بوگون معلوم قیلدی: اوشبو وزیرلیک نینگ وزیری الحاج نورالدین عزیزی نیمروزگه سفری چاغیده بو ولایت حاکمی شیخ محمد قاسم خالد بیلن چابهار یولی آرقه‌لی سودا و ترانزیت و باشقه مسأله‌لر بوییچه بحث قیلدی.
شونینگدیک، صنعت و سودا وزیرلیگی نینگ سرپرست وزیری الحاج نورالدین عزیزی اوشبو ولایتده بیر قطار ملی ایش بیلرمانلر بیلن اوچره‌شدی.
نیمروز حاکمی شیخ محمد قاسم خالد اوشبو ولایت تدبیرکارلری نینگ معما و تکلیفلرینی صنعت و سودا وزیرلیگی نینگ سرپرست وزیری بیلن اورتاقلشدی و نیمروزلیک تدبیرکارلر نینگ معمالرینی حل قیلیشنی طلب قیلدی. افغانستان و ایران اورته‌سیده‌گی سودا المشینووینی آشیریش، ایپک کوپریگی آرقه‌لی ایران حکومتی بیلن گپلشیشنی ایسته‌دی.
اوشبو ییغیلیشده صنعت و سودا وزیرلیگی نینگ سرپرست وزیری سوداگرلرنی ینه بیر بار کوپراق قولیلیکلر یره‌تیشگه ایشانتیردی و قوشیمچه قیلدی: «چابهار بندری آچیش اوچون ایران حکومتی بیلن مذاکره‌لر آلیب باریلماقده، بو برچه ساحه‌لرده‌گی معمالرنی حل قیله‌دی و قولیلیکلر یره‌ته‌دی.»
عزیزی، شونینگدیک، افغان تدبیرکارلری نینگ معمالرینی ایران حکومتی بیلن بحث قیلگنینی و اولرنی حل قیلیشگه حرکت قیلیشینی قوشیمچه قیلدی.
