کابل ۱۳ ثور باختر
نیمروزگه خدمت سفری بیلن بارگن صنعت و تجارت وزیرلیگی نینگ سرپرست وزیری اوشه ولایتده‌گی بیر قنچه فعالیت کورسه‌تمه‌یاتگن زواد(فابریکه)لرنی باریب کوردی.
صنعت و تجارت وزیرلیگی مطبوعات خدمتی بوگون معلوم قیلدی: الحاج نورالدین عزیزی بیر نیچه ییللردن بیری یاپیلگن و ۳۰۰ دن آرتیق خادم ایشسیز قالگن نیمروز سمنت زواد(فابریکه)یگه تشریف بویوردی، همده عبید نوری نفتنی قَیته ایشلش زواد(فابریکه)ی میلیونلب دالر خرجت عوضیگه قوریلگن و حلی ایشگه توشیریلمه‌گن میرویس عطایی نفتنی قَیته ایشلش زواد(فابریکه)یگه تشریف بویوردی.
اوشبو ایشلب چیقریش فابریکه‌لرینی زیارت قیلر ایکن، او بو فابریکه‌لر ملی سرمایه‌لر نینگ بیر قسمی ایکنلیگینی و اولرنی قَیته تیکلش اسلام امیرلیگی نینگ مجبوريتلری و مسوولیتلریدن بیری ایکنلیگینی تأکیدله‌دی. الحاج نورالدین عزیزی بو فابریکه‌لرنی قَیته ایشگه توشیریش اوچون ضرور کورسه‌تمه‌لر بیردی.
