کابل ۱۴ حوت باختر
ملا عبدالغنی برادر آخوند، باش وزیرلیک اداره‌سی نینگ اقتصادی اورین‌باسری، بیرلشگن ملتلر تشکیلاتی نینگ بنگی وار مادّه‌لر و جنایتچیلیک بوییچه باشقرمه‌سی نینگ سابق اجراچی باشلیغی بیلن بولیب اوتگن اوچره‌شوویده: «حاضرده مملکتده بنگی وار مادّه‌لر ایشلب چیقریش و سوداسی صفرگه ییتگن دیدی.»
باش وزیرلیک اداره‌سی نینگ اقتصادی اورین‌باسرلیک مطبوعات خدمتی خبرنامه‌سیده شونده‌ی یازدی: باش وزیرلیک اداره‌سی نینگ اقتصادی اورین‌باسری ملا عبدالغنی برادر آخوند بیرلشگن ملتلر تشکیلاتی نینگ بنگی وار مادّه‌لر بوییچه باشقرمه‌سی نینگ سابق اجراچی باشلیغی پينو الارچی بیلن اوچره‌شدی.
اوشبو اوچره‌شووده هر ایکّی تامان اسلام امیرلیگی نینگ افغانستانده‌گی بنگی وار مادّه‌لرگه قرشی کوره‌شده‌گی سعی-حرکتلری و بو باره‌ده افغانستان و خلق‌ارا هم جمعیت نینگ قوشمه همکارلیگینی بحث قیلدی.
ملا عبدالغنی برادر آخوند، باش وزیرلیک اداره‌سی نینگ اقتصادی اورین‌باسری: «اسلام امیرلیگی سونگگی ایکّی یریم ییل دوامیده افغانستانده بنگی مادّه‌لر ییتیشتیریش و ناقانونی سوداسیگه قرشی جدّی کوره‌ش آلیب بارماقده و حاضرده اونی ایشلب چیقریش و ساتیش درجه‌سی صفرگه ییتگن دیدی.
باش وزیرلیک اداره‌سی نینگ اقتصادی اورین‌باسری اسلام امیرلیگی مینگلب معتادلرنی توپله‌گنینی و اولرنی دوالش یخشی یولگه قوییلگنینی قوشیمچه قیلدی. شونینگدیک، دوالنه‌یاتگن بیمارلرنی ایش بیلن تأمینلش، اولرنی کسبگه اوقیتیش دستورلرینی یولگه قوییش ریجه‌لشتیریلگن.
اونگه کوره؛ افغانستانده مستقل تیزیم و بوتونلی خوفسیزلیک نینگ اورنه‌تیلیشی بیلن مقابل بنگی وار مادّه‌لرنی ییتیشتیریشنی ترغیب قیلیش اوچون یخشی زمینه یره‌تیلدی و خلق‌ارا تشکیلاتلر بو باره‌ده افغانلر بیلن همکارلیک قیلیشی ممکن.
بیرلشگن ملتلر تشکیلاتی نینگ بنگی وار مادّه‌لر و جنایتچیلیک بوییچه باشقرمه‌سی نینگ سابق اجراچی باشلیغی پينو الارچی اسلام امیرلیگی نینگ بنگی وار مادّه‌لرگه قرشی کوره‌شینی یوقاری بهاله‌دی و خلق‌ارا هم جمعیت افغان دهقانلری اوچون کوکناری ییتیشتیریش نینگ مقابل ایکینلرینی تأمینلشده اسلام امیرلیگی بیلن همکارلیک قیلیشگه مکلف ایکنلیگینی ایتدی.
پینو الارچی، شونینگدیک، یقین کیله‌جکده کابلده خلق‌ارا کنفراس اوتکزیش و اوشبو کنفراس آرقه‌لی افغان دهقانلری اوچون مقابل کوکناری ییتیشتیریش ساحه‌سیده خلق‌ارا مالی یاردمنی جلب ایتیشنی ریجه‌لشتیرگنلیکلرینی قوشیمچه قیلدی.
ملا عبدالغنی برادر افغانستانده بنگی مادّه‌لر مادّه‌لرنی ییتیشتیریش و سوداسی صفرگه تینگ ایکنی، اسلام امیرلیگی رهبری مملکتده بنگی مادّه‌لر بیلن باغلیق هر قنده‌ی فعالیتنی تعقیقلاوچی فرمان چیقرگنی، اسلام امیرلیگی نینگ بنگی وارلیککه قرشی کوره‌شده‌گی جدّيلیگی حقیده گپیردی. بیرلشگن ملتلر تشکیلاتی افغانستان ایندی دنیاده‌گی اینگ ییریک بنگی وار مادّه‌لر ایشلب چیقرووچیسی ایمسلیگینی تن آلسین.
