کابل ۱۵ دلو باختر
سالنگ قتناو شاه یولی بیر کیچه‌یو کندوزدن سونگ ترانسپورت حرکتی اوچون قَیته آچیلدی.
توناون کوچلی قار یاغیشی و کوچلی شمال طفیلی اوشبو قتناو شاه یولی یوک و یولاوچی تشیش ترانسپورتی اوچون یاپیلگن ایدی.
محمد اشرف حق‌شناس؛ عامه منفعتلر ایشلری وزیرلیگی مطبوعات کاتبی باختر آژانسیگه شونده‌ی دیدی: اوشبو قتناو شاه یولی بوگون ایرته‌لب ترانسپورت حرکتی اوچون قَیته آچیلدی.
او شونده‌ی دیدی: حاضرده بو یونه‌لیش بویلب فقط کیچیک یینگیل موترلر حرکتلنیشی ممکن، آب-هوا شرایطی و سالنگ خدمتی خادملری نینگ اسره ب اویلشیگه کوره، سالنگ کتّه قتناو شاه یولی تجارت کاروانلری اوچون قَیته آچیله‌دی.
عینِ پیتده شمالی سالنگده قار قلینلیگی ۵۴ سانتی‌مترگه، جنوبی سالنگده ایسه ۱۲۹ سانتی‌مترگه ییتگن.
عامه منفعتلر ایشلری وزیرلیگی مطبوعات کاتبی هیداوچیلردن یوللرنی کیسیب اوتیشده قیشکی تخنیک‌نی اوزلری بیلن آلیب کیتیشلرینی و احتیاط بولیشنی اونوتمسلیکلرینی سوردی.
بیراق، سالنگلرنی اسره ب اویلش متصدیلری نینگ ایتیشیچه، اولر نینگ خدمت کورسه‌تووچی خادملری ترانسپورت آقیمینی نارمه‌للشتیریش اوچون یولنی تازه‌لش بیلن بند.
سالنگ قتناو شاه یولی افغانستانده‌گی اینگ ییریک و اینگ گوجوم یول بولیب، پایتختنی اون اوچته شمالی، و شمال-غربی و مرکزی ولایتلر بیلن باغلیدی.
