کابل ۶ حوت باختر
باش وزیر اداره‌سی نینگ اورین‌باسری: «اسلام امیرلیگی قَیتیب کیلگن تدبیرکارلر و سرمایه‌دارلر اوچون ضرور قوله‌یلیکلر یره‌تیب بیردی.»
باش وزیر اداره سی نینگ مطبوعات خدمتی بو خبرنی اعلان قیلدی: باش وزیر اداره‌سی اورین‌باسری مولوی عبدالسلام حنفی قَیتیب کیلگن تدبیرکارلردن بیری محمد فرشید حکیمیار بیلن اوچره‌شدی.
صنعت و تجارت وزیرلیگی نینگ سرپرست وزیری، مهاجرلر معمالری بیلن شغللنووچی عالی کمیسیون نینگ قَیتگن تدبیرکارلر اوچون قوله‌یلیکلر یره‌تیش کمیته‌سی وزیری الحاج نورالدین عزیزی اشتراک ایتگن مذکور ییغیلیشده محمد فرشید حکیمیار شونده‌ی دیدی: مملکتده تجارت و سرمایه‌دارلری تأمینلنگن و ایش بیلرمانلر مملکتده‌گی موجود وضعیت و حکمران خوفسیزلیکدن فایده‌لنگن حالده تاغ-کان صنعتی، ترانزیت، انرژی، تکنالوژی و ایکینچیلیک کبی تورلی ساحه‌لرگه سرمایه کیریتیشلری ممکن.
مولوی عبدالسلام حنفی، باش وزیر نینگ اداریاورین‌باسری: «اسلام امیرلیگی ایش بیلرمانلر و سرمایه‌دارلر، اینیقسه، قَیتگن ایش بیلرمانلر اوچون ضرور قوله‌یلیکلر یره‌تیب بیردی و اولر مملکتگه قَیتیب، هیچ قنده‌ی تشویشسیز تدبیرکارلیک قیلیشلری ممکن.»
باش وزیر اداره‌سی نینگ اورین‌باسری قوشیمچه قیلدی: صنعت پارکلری حدودیدن ییر اجره‌تیش و قَیتگن تدبیرکارلر اوچون تورر جای ییرلرینی تقسیملش، سالیقدن آزاد قیلیش و بیزنس ویزه‌لرینی ترقه‌تیش معمالر بیلن شغللنووچی عالی کمیسیون تامانیدن اولر اوچون کوریب چیقیلگن آبعیکتلر قطاریگه کیرا‌دی.
