باميان ۳۰ دلو باختر
قار یاغیشی طفیلی دایکندی و باميان یوللری ترانسپورت حرکتی اوچون یاپیلگن.
بو ایکّی ولایتده توناون کوندن باشلب طوفان بیلن بیرگه قار یاغیشی کوچه‌ییب، عاقبتده عمومی فایده‌لنیشده‌گی یوللر و حتی اوشبو ولایت مرکزی بیلن تومنلر یوللری یاپیلیشیگه سبب بولدی.
باميان عامه منفعتلر ایشلری بوییچه باشقرمه سی نینگ باشلیغی انجنیر حفیظ الله نعمتی باختر آژانسیگه شونده‌ی دیدی: «یقینده یاغگن قاردن سونگ کوتل قوناق یوللری بامیان و دایکندی اورته‌سیده، کوتل شاتو نمبر یک یکاولنگ تومنلری و بامیاننی باغله‌یدیگن پنجاب، کوتل آبقول کرمان غور ولایتی بیلن بامیاننی باغله‌یدیگن کوتل یولی، میدان وردک بیلن بامیاننی باغله‌یدیگن ورس- بندشوی کوپریگی یونه‌لیشی و بامیان-یکاولنگ یونه‌لیشی مرکزیده ترانسپورت حرکتی توسیب قوییلگن.
باشقه تاماندن، دایکندی ولایت حاکملیگی نینگ مطبوعات کاتبی سید غضنفر کاظمی جماعت یولی و دایکندی نینگ ایتتی تومنی نینگ نیلی شهریگه یوللری نینگ یاپیلگنلیگی حقیده معلومات بیردی.
بیراق، بامیان و دایکندی عامه منفعتلر ایشلری باشقرمه سی رسميلری اوشبو یوللرنی قَیته آچیش بوییچه حرکتلر باشلنگنینی اعلان قیلیشدی.
اولر نینگ معلوم قیلیشیچه، خدمت خادملری یولنی قاردن تازه‌لش ایشلرینی باشله‌گن.
