کابل 1 جوزا باختر
شهرسازلیک و اوی-جای قوریش وزیرلیگی قندهار ولایتی نینگ پنجوایی و دند تومنلری اوچون ینگی بنالر قوریلیشی حقیده خبر بیردی.
بو حقده شهرسازلیک و اوی-جای قوریش وزیرلیگی مطبوعات خدمتی بوگون معلوم قیلدی.
قندهار ولایتی شهرسازلیک و اوی-جای قوریشی باشقرمه‌سی باشلیغی مولوی عبدالمتین نینگ ایتیشیچه، اوشبو بولیم نینگ تخنیکی گروهی پنجوایی و دند تومنلری اوچون ینگی مأموری اداره‌لر قوریلیشی اوچون حدودلرنی اورگنیب چیقدی.
قندهار ولایتی شهرسازلیک و اوی-جای قوریش باشقرمه‌سی باشلیغی اوشبو بولیم نینگ تخنیکی گروهی هر ایکّی تومنده بولیب، خدمت خانه‌لری حدودلرینی بیلگیلب بیرگنینی، اولر کیینچه‌لیک خریطه‌گه توشیریلیب، لایحه‌لشتیریلیشینی ایتدی.
شهرسازلیک و اوی-جای قوریش وزیرلیگی نینگ تخنیکی گروهلری باشقه اداره‌لر نینگ طلبیگه بناءً بنالر نینگ ریجه‌لرینی لایحه‌لشتیره‌دی و تاپشیره‌دی.
