کابل، ۲۷ جدی، باختر
ایچکی ایشلر وزیرلیگی نینگ سرپرست وزیری اروپا اتفاقی ایلچیسی بیلن اوچرهشوویده شوندهی دیدی: افغانستان بیر نیچه اون ییللیک بی قرارلیک و معمالردن سونگ شدّت بیلن سیاسی و اقتصادی برقرارلیک تامان کیتماقده.
بو حقده ایچکی ایشلر وزیرلیگی مطبوعات خدمتی بوگون اعلان قیلدی: ایچکی ایشلر وزیرلیگی نینگ سرپرست وزیری خلیفه سراج الدین حقانی اروپا اتفاقی نینگ افغانستاندهگی ایلچیسی رافائله یودیچه خانیم بیلن اوچرهشدی.
اوشبو اوچرهشووده اروپا اتفاقی اېلچیسی افغانستاندهگی تینچلیکنی آلقیشلهدی و کیلهسی آی قطر پایتختی دوحهده بولیب اوتهدیگن خلقارا ییغیلیش حقیده گپیردی.
او اروپا اتفاقی نامیدن بشردوستلیک یاردم، جملهدن هرات زلزلهسیدن جبرلنگنلر بیلن همکارلیک قیلیش و افغانلر نینگ قَیتیشینی هم تیلگه آلدی.
خلیفه سراج الدین حقانی، ایچکی ایشلر وزیرلیگی نینگ سرپرست وزیری ایتدی: «بیر نیچه اون ییللیک بی قرارلیک و معمالردن سونگ افغانستان سیاسی و اقتصادی برقرارلیک سری شدّت بیلن بارماقده.» اوزاق وقتدن سونگ افغانلر جسمانی و روحی جهتدن اوزلرینی خوفسیز حس قیلهدیلر.
ایچکی ایشلر وزیرلیگی نینگ سرپرست وزیری خارجی دولتلر بیلن اوزارا علاقهلر حقیده شوندهی دیدی: افغانستان حکومتی مهم خلقارا تشکیلاتلرگه اعضا بولیشی کیرهک، بو بیلن افغانستانلیکلر اوزلری نینگ حقیقی وکیللریگه ایگه بولهدیلر و معمالرنی حل قیلیش آسان بولهدی.