کابل ۳۰ ثور باختر
مملکت ساغلیقنی سقلش وزیرلیگی نینگ سرپرست وزیری داکتر قلندر عباد و اونینگ همراهلیگیده‌گی هیئت بدخشان ولایتیگه تشریفی چاغیده سینیش کسللیکلرینی دوالش بوییچه بیرینچی خلق‌ارا دستورنی آچدی.
ساغلیقنی سقلش وزیرلیگی مطبوعات خدمتی بدخشان ولایتیده بونده‌ی دستور بیرینچی مرته آچیلگنی و سویک سینیشی بولیمیده افغان اورتوپیدی تامانیدن ینگی اصولده دوالنه‌یاتگنینی معلوم قیلدی.
داکتر محمد اسماعیل وردک اشتراکچیلرگه «ساین و آله افغان» دستوری نینگ آچیلیشی حقیده باتفصیل معلومات بیردی.
ساغلیقنی سقلش وزیرلیگی نینگ سرپرست وزیری داکتر قلندر عباد مملکتده بونده‌ی دستور نینگ آچیلگنینی یوقاری بهاله‌دی و بونی افغانستان ساغلیقنی سقلش ساحه‌سیده‌گی مهم یوتوق دیب بیله‌دی.
شونینگدیک، ساغلیقنی سقلش وزیرلیگی نینگ سرپرست وزیری بدخشان ولایتیده باشقه مهم ساغلیقنی سقلش بولیملری تشکیل ایتیلگنی حقیده معلومات بیریب، ساغلیقنی سقلش وزیرلیگی رهبریتی مملکت بویلب احتیاجمندلر اوچون کوپراق ساغلیقنی سقلش مؤسسه‌لرینی یره‌تیشگه حرکت قیله‌یاتگنی و بو باره‌ده‌گی سعی-حرکتلرنی تأکیدله‌دی، بو یونه‌لیش همان دوام ایتماقده دیدی.
