کابل ۲۹ حوت باختر
حج و اوقاف وزیرلیگی نینگ سرپرست وزیری اوزبیکستانگه تشریفی چاغیده اوشه دولت نینگ سمرقند ولایتی محلی حاکمیتلری بیلن اوچرهشیب، ایکّی دولت علمالری اورتهسیدهگی همکارلیکنی بحث قیلدی.
وزیرلیک مطبوعات خدمتی اوز خبرنامهسیده شوندهی یازهدی: «شیخ الحدیث، باش تدقیقاتچی دکتور مولوی نور محمد ثاقب، حج و اوقاف وزیرلیگی نینگ سرپرست وزیری اوزبیکستانگه تشریفی چاغیده سمرقندگه باریب، بو ولایت حاکمی و سمرقند مفتییلر باش مفتیسی بیلن اوچرهشدی.
اوشبو اوچرهشووده ایکّی دولت عالِملری اورتهسیدهگی ایکّی تامانلهمه مناسبتلر و همکارلیک، مکتبلرده اوقیتیش صفتینی آشیریش بوییچه اوزارا تجربه المشیش مسألهلری بحث قیلیندی.
مولوی ثاقب، شونینگدیک، امام بخاری رحمةالله مقبرهسی، پیغمبریمیز حدیثلرینی اورگهتیش و توزهتیش مرکزی، خصوصاً، بخاری شریف، پیغمبرلیک حدیثلری و دینی فنلر عالی انستیتوتی و اوشه مرکز نینگ درسلری، مقبرهلرینی زیارت قیلدی. قثم بن عباس رحمةالله، ابو منصور محمد ماتریدی حضرتلری نینگ آرامگاهسی، ریگستان مجموعهسی، او اوچته مدرسه (مدرسه طلا قاری، مدرسه میرزا اولوغ بیک و مدرسه شیردار)، میرزا اولوغ بیک رصدخانهسی و اونینگ اوشبو رصدخانه نینگ کورگزمهسی، برهان الدین بخاری مرغینانی آرامگاهسی، خواجه ناصرالدین عبیدالله احرار ولی آرامگاهسینی هم زیارت قیلگن.
حج و اوقاف وزیرلیگی نینگ سرپرست وزیری اوزبیکستان مسلمانلری ادارهسی باشلیغی، مفتی شیخ نورالدین خالق نظر نینگ رسمی تکلیفیگه بناءً مملکتیمیز نینگ ۱۰ کیشی علماسیدن عبارت هیئت باشچیلیگیده اوزبیکستانگه سفر قیلگن.