جلال آباد، ۳ دلو، باختر
تورخم دروازه‌سی اون بیر کونده‌ن کیین تجارت کاروانلری اوچون قَیته آچیلدی.
افغانستان و پاکستان اورته‌سیده‌گی تجارت نینگ اساسی قِسمی بولگن بو دروازه‌دن اون بیر کون اوّل پاکستان حربيلری تامانیدن تجارت تاوه‌رلری اوچون یاپیلگن ایدی.
باختر آژانسی نینگ محلی مخبری، ننگرهار؛ خبر بیردی: تورخم اوتیش یولی بوگون ایرته‌لب تجارت یوک مو‌ترلری اوچون قَیته آچیلدی.
بو دروازه نینگ قَیته آچیلیشی بیلن افغانستان و پاکستاندن ایکّی طرفده بیر نیچه کون تیقیلیب قالگن تجارت ماللرینی آلیب کیته‌یاتگن یوزلب کانوایلر یولگه چیقیش امکانیگه ایگه بولدی.
تورخم کمیساری ملا عبدالجبار حکمت اوشبو یونه‌لیشنی تجارت کاروانلری اوچون قَیته آچیشنی معقولله‌دی.
اونینگ سوزلریگه کوره، کوپلب مذاکره‌لردن سونگ، نهایت، پاکستان اوشبو تجارت-یولاوچی یونه‌لیشینی قَیته آچیشگه قرار قیلگن.
پاکستان مأمورلری تجارت کاروانلری نینگ افغان هیداوچیلریدن پاسپورت و ویزه‌لر طلب قیلگنیدن سونگ، بو یونه‌لیش ترانسپورت حرکتی اوچون یاپیلگن ایدی.
بو دروازه نینگ یاپیلیشی افغان و پاکستانلیک سوداگرلرگه کتّه ضرر ییتکزدی.
