کابل ۲۰ ثور باختر
بسم الله الرحمن الرحیم
الحمد لله و کفی والصلوة و السلام علی عباده الذین اصطفی.
اما کیین:
قال الله تبارک و تعالی: وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ (۲) المائدة. صدق الله العظیم.
اوزارا خیرخواهلیک، همدردلیک و ایشلرده بیر-بیرلریگه یخشی یاردم و یاردم کورسه‌تیش دینی نقطه‌ی نظردن کتّه ثوابگه ایگه بولگن اینگ یخشی عمل بولیب، اخلاقی نقطه‌ی نظردن ایسه اولوغ انسانی فضیلت و خصلتلردن سنه‌له‌دی.
بیر-بیریمیز نینگ حالیمیزدن باخبر بولیب، بیر-بیریمیزگه همدرد و رحملی بولیشگه، محتاج و کمبغللرگه یاردم بیریشگه، محتاجلر نینگ حال-احوالینی کوتریشگه، امکان قدَر یاردم بیریشگه مجبورمیز.
مملکتیمیز تورت یریم ییلدن بویان اوروش-جنجل، بیخطرلیک حکم سوره‌یاتگن بولسه، خلقیمیز کوپ عذاب-عقوبتلرنی، مشقتلرنی باشیدن کیچیرگن بولسه، جمعیتیمیز باشقه جمعیتلر نینگ قوللب-قوّتلشی، همدردلیگی، یاردمی و یاردمیگه محتاج.
خلق‌ارا قیزیل یریم آی کونی مناسبتی بیلن شونی ایتیش کیره‌ککی، افغانستانده‌گی بونده‌ی یاردم تشکیلاتلری نینگ مسوولیتی جوده مهم و آغیر. گرچه خلقیمیز اوروشدن چیقیب، عمومی خوفسیزلیکدن بهره‌مند بولگن بولسه-ده، اوروش نینگ ترتیبسیزلیکلری، یره‌لری همان سقلنیب قالگن. میلیونلب وطنداشلریمیز یورت ایچیده یاکه تشقریسیده مهاجرلیکده یشهیدی. بیزده یاردمگه محتاج معلوللر، ییتیملر، بیوه‌لر، کمبغل وطنداشلریمیز کوپ.
شو باعث دونر تشکیلاتلر ذمّه‌سیگه ساغلیقنی سقلش، اقتصادیات، بشری و باشقه ساحه‌لرده‌گی یاردمنی اوّلگیگه نسبتاً کوپه‌یتیریش و تیزلشتیریش مسوولیتی یوکلنگن.
افغانستان اسلام امیرلیگی برچه یاردم تشکیلاتلری نینگ محنتی و خدمتلرینی یوقاری بهالب، اولرگه مناسب فعالیت ساحه‌سینی تقدیم ایته‌دی همده اولر نینگ خوفسیزلیگی و امنیت جدّی اعتبار قره‌تیب، معمالری بیلن اوز وقتیده شغللنه‌دی.
بوتون جهان قیزیل یریم آی کونی مناسبتی بیلن مالی امکانیتی بار برچه وطنداشلریمیزنی همده یاردم کورسه‌تووچی مؤسسه و تشکیلاتلرنی افغانستان قیزیل یریم آی جمعیتینی قوللب-قوّتلشگه چقیره‌من. مملکتده‌گی برچه یاردم تشکیلاتلری بیلن سالیشتیرگنده ییتکچی تشکیلات بولگن افغانستان قیزیل یریم آی جمعیتی کمبغل وطنداشلرگه یاردم کورسه‌تیش اوچون سلماقلی خدمتلر کورستدی و حاضر هم مملکت نینگ برچه حدودلریده اوز فعالیتینی دوام ایتتیرماقده. افغانستان قیزیل یریم آی جمعیتینی قوللب-قوّتلش، اساساً، مملکت نینگ کمبغل، اویسیز و محتاج اهالیسینی قوللب-قوّتلشدیر، بو برچه‌میز نینگ عمومی مسوولیتیمیز دیر.
یقینده مین برچه یاردم مؤسسه‌لر و اولر نینگ فعالیتینی، جمله‌دن، افغانستان قیزیل یریم آیینی هم قدرله‌یمن و خیریه ایشلریده موفقیتلر تیله‌یمن.
والسلام علیکم ورحمة الله وبرکاته
الحاج ملا محمد حسن آخوند، افغانستان اسلام امیرلیگی باش وزیری
