کابل، ۲۵ قوس، باختر
ناروی قاچقینلر کینگشی و سکّیزته خلق‌ارا یاردم تشکیلاتی قوشمه بیاناتیده دنیا دولتلریدن پاکستاندن دیپورت قیلینگن یوز مینگلب افغان قاچقینلریگه یاردم بیریشنی سوردی.
۹ ته خلق‌ارا یاردم تشکیلاتی نینگ قوشمه بیاناتینی اعلان قیلگن ناروی قاچقینلر کینگشی شونده‌ی دیدی: پاکستاندن دیپورت قیلینگن ۵۰۰ مینگگه یقین افغان قاچقینلری افغانستانگه کیرگن، دیپورت قیلینگن قاچقینلر نینگ اکثریتی اوزلرینی بیر‌گینه طعام بیلن تامینله‌ی آلمه‌یپتی و زودلیک بیلن یاردمگه محتاج.
اوشبو خلق‌ارا تشکیلاتلر شونده‌ی دیدیلر: بیز زودلیک بیلن خلق‌ارا هم جمعيتنی و بشردوستلیک یاردم کورسه‌تووچی تشکیلاتلرنی آغیر قیش آیلریده امان قالیشلرینی تأمینلش اوچون افغانستانگه قَیتگن کوچیریلگن عایله‌لرنی قوللب – قوّتلشنی کوچه‌یتیریشگه چقیره‌میز.
اوشبو بیاناتده پاکستاندن، شونینگدیک، افغانلر اوز مملکتلریگه خوفسیز و دایمی روشده قَیتیب کیلگونلریچه اولرگه باش‌پناه بیریشنی دوام ایتتیریش سوره‌له‌دی.
جهان قاچقینلر کینگشی، خلق‌ارا قوتقروو کمیته‌سی، اسلامی یاردم تشکیلاتی، ناروی قاچقینلر کینگشی، باله لرگه خذمت قیلوچی خلق‌ارا تشکیلاتی و باشقه بیر قنچه تشکیلاتلر اوشبو بیاناتده: افغانستانگه دیپورت قیلینگنلر نینگ ۸۰ فایزینی تشکیل ایتووچی عیاللر و باله‌لر ینه‌ده جدّی معمالرگه دوچ کیلیشماقده.
اوشبو یاردم تشکیلاتلری تأکیدله‌دیلر: ۲۹ میلیون آدم بشردوستلیک یاردمگه محتاج بولگن افغانستان نینگ مملکتگه قَیتگنلرگه تکلیف قیله‌دیگن هیچ نرسه‌سی یوق.
