سرپل ۲۱ ثور باختر
فنلر اکادمیسی خلق‌ارا کوشانلر علمی-تدقیقات مرکزی باشلیغی، اخبارات و مدنیت وزیرلیگی باستانشناسلیک کمیته‌سی اعضاسی، تدقیقاتچی کتابخان فیضی هیئت باشچیلیگیده بیر قطار تاریخی و قدیمی مسکنلرنی زیارت قیلدی.
بو زیارتده سرپل اخبارات و مدنیت باشقرمه‌سی نینگ باشلیغی ملا عبدالغفار حقنما اولرگه همراه بولیب، امامزاده یحیی ابن زید شهید زیارتگاهی، امام کلان زیارتگاهی و مسجدی، خواجه محمد خطیب زیارتگاهی، قاموق تاریخی قلعه‌سی، پل خشتی و خشت پل کوپریگی که تیموريلر دوریگه عاید تاریخی آبده‌لردن بیری بولگن زیارت قیلیشدی.
فیضی بو ولایتگه سفر قیلیشدن مقصدی قدیمی منزلگاهلر، خصوصاً، گوسفندی تومنیده‌گی قهقهه قلعه‌سی چگره‌لرینی انیقلش، سرپل ولایتیده‌گی تاریخی بنالر نینگ حالتینی اورگنیش ایکنلیگینی تأکیدله‌دی.
اونگه کوره، اخبارات و مدنیت وزیرلیگی تامانیدن تاریخی-مدنی مسکنلرنی محافظه قیلیش بوییچه انیق ریجه‌لر ایشلب چیقیلگن. مذکور اوچره‌شووده سرپل ولایتی اخبارات و مدنیت باشقرمه‌سی نینگ باشلیغی تاریخی و قدیمی بنا و مسکنلر نینگ چیگره‌لرینی بیلگیلب، اولرنی قَیته تیکلش ضرور بولسه، اولرنی قَیته تیکلش ضرورلیگینی تأکیدله‌دی.
اونینگ سوزلریگه کوره، محلی حاکمیت ارگانلری بیلن همکارلیکده هیچ کیمگه قدیمی آبده‌لرده ناقانونی قازیش ایشلری آلیب باریلیشیگه یول قوییلمه‌یدی. یوقاریده تیلگه آلینگن هیئت اوّلراق سرپلده‌گی قه‌هېگه گوسفندی قلعه‌سیگه تشریف بویورگن ایدی.
