بازارک ۲۱ ثور باختر
پنجشیر ولایت حاکمی الحاج حافظ محمد آغا حکیم بوگون افغانستان اسلام امیرلیگی، باش وزیر اداره‌سی نینگ سیاسی اورین‌باسری مولوی عبدالکبیر بیلن اوچره‌شدی.
پنجشیر ولایت مطبوعات کاتبی سیف الدین لتون نینگ باختر آژانسیگه ایتیشیچه، بو اوچره‌شووده هر ایکّی تامان مهم و اساسی مسأله‌لرنی بحث قیلگن.
اوشبو اوچره‌شووده پنجشیر ولایت حاکمی الحاج حافظ محمد آغا حکیم عمومی خوفسیزلیک حالتی، اقتصادی ترقیات، قوریلیش لایحه‌لرینی عملگه آشیریش، محلی امیرلیکنی باشقه‌ریش جریانی، دینی تعلیم، ساغلیقنی سقلش و تعلیم حقیده باتفصیل حسابات تقدیم ایتدی.
الحاج حافظ حکیم هم پنجشیر اهالیسی نینگ طلب و تکلیفلرینی باش وزیر اورین‌باسری بیلن اورتاقلشدی. اوشبو اوچره‌شووده افغانستان اسلام امیرلیگی باش وزیر اورین‌باسری پنجشیر حاکمی حافظ محمد آغا حکیم نینگ ایریشگن یوتوقلری و ایجابی فعالیتی توغریسیده‌گی حساباتیدن ممنونلیگینی بیلدیریب، اونی یوکسک بهاله‌دی.
افغانستان اسلام امیرلیگی باش وزیر نینگ اورین‌باسری مولوی عبدالکبیر بیر قطار قوریلیش لایحه‌لری و تورلی درجه‌ده‌گی آدملر نینگ معمالرینی حل قیلیش نینگ بیر قسمیده وعده بیردی.
