کابل ۱۹ حوت باختر
بیرلشگن ملتلر تشکیلاتی اسرائیل نینگ رفحگه هجومیدن آگاهلنتیردی. بیرلشگن ملتلر تشکیلاتی نینگ انسان حقوقلری بوییچه عالی کمیساری باشقرمه‌سی مطبوعات کاتبی: اسرائیل نینگ رفحگه هجومی انسانیتگه قرشی جنایت صادر ایتیلیشیگه آلیب کیلیشی ممکن، بونده‌ی بولمسلیگی کیره‌ک.
خلق‌ارا ییتکیرمه خبرلریگه کوره؛ بیرلشگن ملتلر تشکیلاتی نینگ انسان حقوقلری بوییچه عالی کمیساری باشقرمه‌سی مطبوعات کاتبی اجیت سانگه جېنېوه‌ده بولیب اوتگن مطبوعات انجمنیده شونده‌ی دیدی: غزه ده صادر ایتیلیشی ممکن بولگن و صادر ایتیلگن دهشتلی جنایتلر حقیده گپیرگنده، بیز انسانیتگه قرشی انیق جنایتلرنی نظرده توتمیز. اسرائیل نینگ رفحگه هجومی انسانیتگه قرشی جنایت صادر ایتیلیشیگه آلیب کیلیشی ممکن، بونده‌ی بولمسلیگی کېره‌ک».
اوّلراق بیرلشگن ملتلر تشکیلاتی نینگ انسان حقوقلری بوییچه عالی کمیساری انسان حقوقلری بوییچه کینگشی نینگ ۵۵- ییغیلیشیده اسرائیل غزه و غربی ساحلده کوپلب حربی جنایتلر صادر ایتگنینی، بو قان توکیلیشیگه تینگ بولگنینی ایتگن ایدی.
