کابل ۵ حمل باختر
باش وزیرلیک اداره‌سی نینگ اورین‌باسری مولوی عبدالسلام حنفی غور ولایتی حاکمی، بیر قطار مجاهدلر و ساغلیقنی سقلش باشقرمه‌سی خادملری بیلن اوچره‌شدی.
ارگ اخبارات نامه‌سیده یازیلیشیچه، اوشبو اوچره‌شووده غاپور ولایت حاکمی ملا احمد شاه دین دوست اوشه ولایتده‌گی اجتماعی، اقتصادی و خوفسیزلیک حالتی، شونینگدیک، غور محلی مأموریتی نینگ فعالیتی و وظیفه‌لری حقیده معلومات بیرگن.
دین دوست نینگ قوشیمچه قیلیشیچه، اسلام امیرلیگی نینگ محلی عملدارلری دایما خوفسیزلیکنی تأمینلشگه، فقرالرگه ضرور خدمتلرنی کورسه‌تیشگه حرکت قیلگن و اولر خلق نینگ معمالرینی حل قیلیش اوچون بار کوچلرینی ایه‌مه‌یدیلر.
غور حاکمی اسلام امیرلیگی نینگ برچه ساحه‌لرگه اعتبار قره‌ته‌‌یاتگنیگه اشاره قیلیب، شونینگدیک، ترانسپورت یوللرینی تامیرلش و قوریش، مکتبلر قوریش، رواجلنتیریش لایحه‌لرینی عملگه آشیریش و تورلی حدودلرده ساغلاملشتیریش مرکزلری تشکیل ایتیشگه علیحده اعتبار قره‌تیشنی سوردی.
باش وزیرلیک اداره‌سی نینگ اورین‌باسری مولوی عبدالسلام حنفی هم غور ولایتی متصدیلری نینگ فعالیتینی یوقاری بهالب، خوفسیزلیکنی تأمینلش، اجتماعی فراوانلیک یره‌تیش و فقرالر اوچون ضرور قوله‌یلیکلر یره‌تیش اسلام امیرلیگی نینگ مسئولیتلریدن بیری ایکنلیگینی قوشیمچه قیلدی. بو نینگ اوچون محلی عملدارلر کوپراق حرکت قیلیشلری کیره‌ک.
باش وزیرلیک اداره‌سی نینگ اورین‌باسری هم تقدیم ایتیلگن تکلیفلر بیلن باغلیق حالده شونده‌ی دیدی: اسلام امیرلیگی ساحه‌گه جلب قیلینگن امکانیتلرنی حسابگه آله‌دی.
