کابل، ۲ دلو، باختر
باش وزیرلیک اداره سی نینگ سیاسی اورینباسری مولوی عبدالکبیر اروپا اتفاقی نینگ کابلدهگی مؤقت ایشلر وکیلی رافیلا ایودیس، خانیم بیلن اوچرهشدی و شوندهی دیدی: افغانستان ساغلیقنی سقلش، تعلیم و ییرآستی بایلیکلرینی قوریلیشی ساحهلریده اساسی یاردمگه محتاج.
باش وزیرلیک اداره سی نینگ سیاسی مطبوعات خدمتی اخبارات نامه سیده شوندهی یازدی: سپیدار سراییده بولیب اوتگن اوشبو ییغیلیشده رافیلا ایودیس، اروپا اتفاقی نینگ افغانستانگه کورسهتهیاتگن یاردمی نینگ دوام ایتیشی حقیده گپیردی و بوگونگی کونده انسانپرورلیک یاردمی محتاج عایلهلرگه ییتیب بارهیاتگنینی ایسلتدی. و مأموری قیینچیلیگی حقیده هیچ قندهی تشویش یوق دیدی.
افغانستانده خوفسیزلیک تامینلنهیاتگنیدن ممنونلیگینی هم ایتیب، بیر قطار ولایتلرگه خاطرجمعلیک بیلن باریب، خلق نینگ احوالینی یقیندن کوریش امکانیگه ایگه بولگنلیکلرینی قوشیمچه قیلدی.
بو اروپا اتفاقی دیپلوماتی ینه شوندهی دیدی: افغانستان اقلیم اوزگریشی قربانی بولگن دولتلردن بیری بولیب، بو مملکتلرگه اقلیم ضرری نینگ آلدینی آلیش اوچون ضرور یاردم کورسهتیش اوچون خلقارا هم جمعيت نینگ علیحده اعتباریگه محتاج.
باش وزیرلیک اداره سی نینگ سياسی اورینباسری مولوی عبدالکبیر شوندهی دیدی: افغانستانگه ساغلیقنی سقلش، تعلیم و ییرآستی بایلیکلرینی قوریلیشی ساحهلریده اساسی یاردم کورسهتیش ضرورلیگینی تأکیدلهدی.
او، شونینگدیک، اروپا اتفاقیگه افغانستاندهگی رولی و افغان مهاجرلریگه کورسهتهیاتگن یاردمی اوچون منّتدارچیلیک بیلدیریب، افغانستانده ایندی فساد یوقلیگینی، بنگی وار مادّهلر ییتیشتیریش و قاچاق و زورآورلیکلرگه چیک قوییلگنینی، داعش باستیریلگنینی و چیگرهلر مديريت آستیده ایکنینی قوشیمچه قیلدی.
باش وزیرلیک اداره سی نینگ سیاسی اورینباسری پاکستان نینگ افغان مهاجرلرینی مجبوراً دیپورت قیلینیشی برچه قانونلرگه ضد ایکنلیگینی و بیز بونی قارهلهیمیز، دیدی.