کابل، د لیندۍ ۲۲ مه، باختر
د نورستان ولایت د بدني روزنې او ورزش آمریت، د یاد ولایت د بند خونې له آمریت سره په همکارۍ د بندیانو ترمنځ د څلورو لوبډلو د والیبال سیالۍ پیل شوې.
دغه سیالۍ چې درې ورځې به دوام وکړي، حماس، ټایګر، کوهستار او والینار لوبډلو پکې ګډون کړی.
د سیالیو په پیل لوبه کې حماس او ټایګر لوبډلې سره ولوبېدې، چې د ۰-۲ په توپیر د حماس لوبډلې په بریا پای ته ورسېده.
ورزش ته د ځوانانو هڅول او له نشه يي توکو سره مبارزه د یادو سیالیو موخه ښودل شوې ده.
