کابل باختردلړم دمياشتې ٢٧ :
د يوماشوم مړى په هرات ښارکې ترلاسه شو او پوليسو په دې پيښه کې دلاس لرلو په تور، يوتن ونيوه .
دهرات ولايت امنيې قوماندانۍ د امنيت آمر سمونوال عبدالحميد حميدي باختراژانس ته وويل چې ددغه نهه کلن ماشوم مړى تېرماښام دهرات ښار د دولسمې ناحيې د جبرئيل په سيمه کې موندل شوى دى.
ده زياته کړه: دماشوم په ستونې کې د زندي کولو نښې نښانې ليدل کيږي اوپوليس دماشوم کاکا چې پوليسو ته د رپوټ د ورکولو په اړوند دماشوم دکورنۍ مخه نيولى وه؛ نيول شوى دى.
د امنيت آمر وويل چې دا يوه کورنۍ ستونزه وه اوپوليسو څيړنې پيل کړې دي.
دجبرئيلو دسيمې يو تن اوسيدونکى علي رضا وويل چې دغه ماشوم محمدعباس نوميده او درې ورځې مخکې ښوونځي ته دتګ په وخت کې بې درکه شوى و .
د ده دڅرګندونوله مخې: ناپيژندل شويوکسانو دټيلفون له لارې دماشوم دخوشې کولو په بدل کې د ماشوم له کورنۍ څخه ديومليون افغانيو غوښتنه کړي وه.
