کابل – باختر د وږي دمياشتې ٣١
دبدخشان ولايت د ملي امنيت ادارې د دغه ولايت په مرکزکې د مهماتو او د جنګي وسايلو د يوې ډيپو د کشفولو خبر ورکړ.
دغه ډيپو پرون د دغه ولايت د يفتل په ولسوالۍ کې د دغې ادارې د منسوبينو په اوپراتيفي عملياتوکې کشف شوه.
دبدخشان ولايت د ملي امنيت يوه خبرځاى د باختر آژانس خبريال ته وويل: له دغې ډيپو څخه ٧ ميله وسلې، د هاوان ٨٠ ماينونه او يوه اندازه مهمات کشف او ضبط شول .
خبرځاى زياته کړه: په دغو عملياتوکې د دغو جنګي وسايلو او مهماتو د ساتلو په اړوند څوک نه دى نيول شوى.
