کابل /دکب ٩مه / باختر :
د افغانستان په جنوب قندهار کې د کرونا ناروغۍ د خپريدو مخنيوي لپاره لازم اقدامات ترسره شوي دي .
دقندهار روغتيايي مسوولان وايي چې په هوايي ډګر او په لرې پرتو سيمو کې روغتيايي ټيمونه ګومارل شوي، چې خلک دکرونا ناروغۍ په نسبت معاينه اوکنترول کړي .
داپه داسې حال کې ده چې د قندهار په ګاونډ هرات او پاکستان کې د کرونا ناروغي خپره شوې ده .
دقندهار د عامې روغتيا رييس ډاکتر محمد طاوس اشرف نادري وايي چې دوى د نړۍ د روغتيايي سازمان او نورو مرستندويو بنسټونو په همکارۍ له کرونا ناروغۍ سره د مبارزې لپاره چمتو دي .
هغه وويل چې د قندهار په هوايي ډګر او په لرې پرتو سيمو کې روغتيايي ټيمونه موظف کړى شوي، چې پر کرونا د مشکوکو مواردو د تشخيص په صورت کې خلک دقرنطين او درملنې لپاره تر خاصو شرايطو لاندې ښار ته واستوي .
له بلې خوا د قندهار والي حيات الله حيات له خلکو څخه وغوښتل چې يوبل ته د لاسونو له ورکولو او روغبړ څخه ډډه وکړي او په ورځ کې څو ځلې د خپلو لاسونو مينځلو تر څنګ په غونډو کې له ماسک څخه ګټه واخلي .
ختم_ ف_ اکرم
0 1 دقیقه لوستل