کابل باختر دسلواغي اته ويشتمه
له دولسوکلونو وروسته دماشومانو دګوزڼ يوه پيښه په بدخشان کې ليدل شوې ده. دغه خطرناکه ناروغۍ د بدخشان ولايت په ارګو ولسوالۍ د بايلمرسي په کلي کې د يوې دوه کلنې نجلۍ يو لاس او يوه پښه معيوبه کړې ده.
دبدخشان ولايت دعامې روغتيا رييس ډاکتر نورمحمدخاوري نن باخترآژانس ته وويل: د دولسو کلونو په بهيرکې په دغه ولايت کې د پوليو واکسين په منظم ډول تطبيق شوى دى او په دغه ولايت کې د دغې ناروغۍ کومه پيښه موجوده نه وه .
ده زياته کړه: ددغې پيښې دکتنې په خاطر سرله پرون څخه د پوليوواکسين دتطبيق فرعي پروګرام د دريو ورځو لپاره ددغه ولايت په اتو ولسواليوکې پيل شو او ټاکل شوې ده؛ دويمه دوره يې پنځه ورځې وروسته د يفتلونو، تشکان، کشم ، خاش ، ارغنچ خوره او درايم په ولسواليوکې او دريمه دوره يې په ټولو ولسواليو کې ترسره شي.
په بدخشان کې د نړۍ د روغتيايي سازمان مسوول ډاکتر سيد مزاري ناصري وايي: د ارګو په ولسوالۍ کې ددغې ماشومې د اخته کيدو علت د هغې ورور و چې په ننګرهار ولايت کې په ملي اردوکې دنده ترسره کوله او دغه وحشي ويرس يې له ځان سره راوړى اودغه ماشومه يې اخته کړې ده .
په بدخشان کې د يونيسف د دفتر مسوول ډاکتر ظاهر فاضل له ټولوعالمانو او روحانيونوڅخه وغوښتل چې دجوماتونودمنبرونو له لارې ددغې خطرناکې ناروغۍ او د پوليو د واکسين د تطبيق په باب پوهاوى ورکړى چې هغوى دواکسين دتطبيق له روغتيايي ټيمونو سره مرسته وکړي .
ويل کيږي د عامې روغتيا او دکتلوي معافيت مسوولين ددغې نجلۍ د اخته کيدو په باب تراوسه پورې ترديد لري او نتيجې ته نه دې رسيدلې او په دې باب يې څيړنې پيل کړې دي.
1 1 دقیقه لوستل