په ننګرهار کې د موټرو له ښيښو څخه تور فلمونه پاک کېږي.

-کابل/ دچنګاښ ٣١مه /باختر:
په ننګرهار کې د موټرو له ښيښو د تورو فلمونو پاکولو کمپاين نن پيل شو .
د دغه کمپاين په لومړى ورځ امنيتي ځواکونو په جلال اباد ښار او د ننګرهار په نورو سيمو کې د موټرو له ښيښو څخه د تورو فلمونو  په پاکولو بريالي شول .
د ننګرهار پوځي شورا په دغه ولايت کې د جنايي جرمونو له زياتوالي  وروسته  او د ډاراچوونکو د برېدونو د مخنيوي لپاره د موټرو له ښيښو څخه د تورو فلمونو د پاکولو لارښوونه کړې ده .
  د  ننګرهار د رسنيو دفتر د  يوې خبرپاڼې په خپرولو  سره ويلي دي،  چې  دغه کمپاين به  په دغه ولايت کې د موټرونو  له ښيښو څخه  د تورو فلمونو تر پاکولو پورې  دوام وکړي .
  د ننګرهار د والي مرستيال تميم عارف  وويل: چې دوى  له توپير پرته د زورواکو په ګډون  د ټولو موټرونو له ښيښو څخه د تورو فلمونو په پاکولو اقدام کوي .
  ختم _ ج _ اکرم