کابل / د تلې ۶ مه / باختر
د کډوالو او راستنېدونکو چارو وزارت سرپرست الحاج خليل الرحمن حقاني د کډوالۍ نړيوال سازمان له پلاوي سره په کتنه کې، د مرستو د وېش پر څرنګوالي خبرې وکړې.
د باختر آژانس د خبر له مخې؛ په دې کتنه کې د پلاوي مشر د خپلو فعالیتونو په اړه معلومات ورکړل او ويې ويل چې د کډوالۍ نړيوال سازمان له بېځايه شویو کورنيو سره په بشري مرستو سربېره، د کورونو د جوړولو او غيرخوراکي توکو د وېش په برخه کې هم مرستې ته چمتو دی.
هغه په ولايتونو کې د کډوالو چارو وزارت له رياستونو سره پر زیاتې همغږۍ ټینګار وکړ او څرګنده یې کړه چې د کډوالۍ نړيوال سازمان لومړيتوب د ژمي له رارسېدو مخکې پر اړو کورنیو د مرستو وېشل دي.
وروسته د کډوالو او راستنېدونکو چارو وزارت سرپرست الحاج خليل الرحمن حقاني هم د کډوالو چارو وزارت لومړيتوب، د ژمي له رارسېدو مخکې پر بېځايه شویو او اړو کورنيو د مرستو وېش او همدارنګه هغوی لپاره د سرپناوو برابرول وبلل.
دغه راز حقاني د مرستو پر شفاف او عادلانه وېش ټینګار وکړ او له کډوالو چارو وزارت سره یې د کډوالۍ نړيوال سازمان د زیاتې همغږۍ غوښتنه وکړه.
د کډوالۍ نړيوال سازمان (IOM) چې په کال ۱۹۵۱ کې جوړ شوی دی، له حکومتي، بین الحکومتي او غیر حکومتي همکارانو سره له نږدې کار کوي.
وهاج
123 1 دقیقه لوستل