کابل ۱۴ حمل باختر
افغانستان اسلام امیرلیگی نینگ باش وزیرلیک اداره‌سی نینگ اورین‌باسری یوناما اورین‌باسری بیلن اوچره‌شوویده خلق‌ارا هم جمعیت نینگ افغانستان خلقیگه کورسه‌ته‌یاتگن انسانپرورلیک یاردمینی دوام ایتتیریش حقیده گپیردی.
ارگ گزیته‌سی نینگ خبر بیریشیچه، باش وزیرلیک اداره‌سی اورین‌باسری مولوی عبدالسلام حنفی بیرلشگن ملتلر تشکیلاتی نینگ افغانستان بوییچه مخصوص وکیلی اورین‌باسری اندریکا راتوت بیلن اوچره‌شگن.
اوشبو اوچره‌شووده یوناما اورین‌باسری اندریکا راتوت اسلام امیرلیگی نینگ افغانستانده‌گی محتاجلرگه، اینیقسه هرات زلزله‌سیدن جبرلنگنلر و قَیتگنلرگه انسانپرورلیک یاردمینی ترقه‌تیش، عمومی خوفسیزلیک و بنگی وار مادّه‌لر سوداسی، و سوداسینی تعقیقلش باره‌سیده‌گی ریجه‌لرینی آلقیشله‌دی.
او قوشیمچه قیلدی: «افغانستان خلقی اوچون خلق‌ارا هم جمعیت نینگ انسانپرورلیک یاردمی دوام ایته‌دی و افغانستان اسلام امیرلیگی رسميلریدن بو یاردمنی محتاجلرگه ییتکزیشده همکارلیک قیلیشنی سوردی».
بیرلشگن ملتلر تشکیلاتی نینگ افغانستان بوییچه مخصوص وکیلی اورین‌باسری هم قوشنی دولتلردن مهاجرلرنی مجبوراً دیپورت قیلیش خلق‌ارا مهاجرلر قانونچیلیگیگه ضد ایکنلیگینی تأکیدله‌دی.
باش وزیرلیک اداره‌سی نینگ اورین‌باسری خلق‌ارا هم جمعیت نینگ افغانستان خلقیگه کورسه‌ته‌یاتگن انسانپرورلیک یاردمینی یوقاری بهالب، افغانستان اسلام امیرلیگی رسميلری خلق‌ارا تشکیلاتلر و یاردم تشکیلاتلری بیلن همکارلیکده ایش آلیب باریشینی تأکیدله‌دی.
باش وزیرلیک اداره‌سی نینگ اورین‌باسری هم قوشنی دولتلردن افغان مهاجرلرینی مجبوراً دیپورت قیلیش جریانی خلق‌ارا ستندردلرگه ضد ایکنلیگینی و توخته‌تیلیشی کیره‌کلیگینی قوشیمچه قیلدی.
